Foto: ashyq derekkóz
Jyl basynan beri Sybailas jemqorlyqqa qarsy qyzmet aiaqtalǵan qylmystyq ister sheńberinde shamamen 195 mlrd teńgeni qaitarǵan. Al sońǵy 2,5 jylda, onyń ishinde oligopoliialar tarapynan Qazaqstan halqyna 1,09 trln teńge qaitaryldy, dep habarlaidy "Ult aqparat" Antikordyń baspasóz qyzmetine silteme jasap.
Olardyń ishinde Almatydaǵy quny 7,9 mlrd teńgeden asatyn «Kaisar Tower» biznes-ortalyǵy bar, ol Qazaq ulttyq qyzdar pedagogikalyq ýniversitetiniń qaramaǵyna berilgen. Sonymen qatar, T. Júrgenov atyndaǵy «Qazaq ulttyq óner akademiiasy» RMM teńgerimine quny 800 mln teńgeden asatyn ákimshilik ǵimarat berildi.
Elordada quny 5 mlrd teńgeden asatyn úsh záýlim sarai múgedek balalarǵa arnalǵan Astana qalasy ákimdiginiń «Psihologiialyq-pedagogikalyq túzetý kabineti» KMM-ne berildi. Bul bilim berý jaǵdailaryn edáýir jaqsartýǵa jáne shyǵarmashylyq bastamalardyń damýyn qoldaýǵa múmkindik beredi.
Sonymen qatar, halyqaralyq yntymaqtastyq mańyzdy ról atqarady, sonyń arqasynda Avstriia, Frantsiia, Lihtenshtein, Ámirlikter, Túrkiia, Resei jáne basqa elderden Qazaqstanǵa aqsha, baǵaly qaǵazdar, jyljymaityn múlik jáne zergerlik buiymdar túrindegi aktivter qaitaryldy.
Máselen, Avstriiadan 36,8 mlrd teńge, Lihtenshteinnen 116,7 mlrd teńge, Túrkiiadan 2,2 mlrd teńge, Birikken Arab Ámirlikterinen 6,3 mlrd teńge jáne basqa elderden qaitaryldy.
Budan basqa, laýazymdyq ókilettikterin teris paidalanǵany úshin sottalǵan Indýstriia jáne infraqurylymdyq damý eks-vitse-ministri T. Toqtabaevqa qatysty qylmystyq is boiynsha memleket paidasyna Qostanai oblysyndaǵy quny 5,6 trln teńgeden asatyn nikel men kobalttyń iri qorlary bar biregei «Shevchenkovskoe» ken orny berildi.
Esterińizge sala keteiik, buǵan deiin Agenttik zalaldy óteý retinde Q. Satybaldyuly qaitarǵan jyljymaityn múlik obektilerin memleketke berý týraly habarlaǵan bolatyn.
"Zańsyz satyp alynǵan aktivterdi qaitarý boiynsha jumys jalǵasýda", - deidi Sybailas jemqorlyqqa qarsy qyzmet ókilderi.
