فوتو: اشىق دەرەككٶز
جىل باسىنان بەرٸ سىبايلاس جەمقورلىققا قارسى قىزمەت اياقتالعان قىلمىستىق ٸستەر شەڭبەرٸندە شامامەن 195 ملرد تەڭگەنٸ قايتارعان. ال سوڭعى 2,5 جىلدا, ونىڭ ٸشٸندە وليگوپولييالار تاراپىنان قازاقستان حالقىنا 1,09 ترلن تەڭگە قايتارىلدى, دەپ حابارلايدى "ۇلت اقپارات" انتيكوردىڭ باسپاسٶز قىزمەتٸنە سٸلتەمە جاساپ.
ولاردىڭ ٸشٸندە الماتىداعى قۇنى 7,9 ملرد تەڭگەدەن اساتىن «Kaisar Tower» بيزنەس-ورتالىعى بار, ول قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ قاراماعىنا بەرٸلگەن. سونىمەن قاتار, ت. جٷرگەنوۆ اتىنداعى «قازاق ۇلتتىق ٶنەر اكادەميياسى» رمم تەڭگەرٸمٸنە قۇنى 800 ملن تەڭگەدەن اساتىن ەكٸمشٸلٸك عيمارات بەرٸلدٸ.
ەلوردادا قۇنى 5 ملرد تەڭگەدەن اساتىن ٷش زەۋلٸم ساراي مٷگەدەك بالالارعا ارنالعان استانا قالاسى ەكٸمدٸگٸنٸڭ «پسيحولوگييالىق-پەداگوگيكالىق تٷزەتۋ كابينەتٸ» كمم-نە بەرٸلدٸ. بۇل بٸلٸم بەرۋ جاعدايلارىن ەدەۋٸر جاقسارتۋعا جەنە شىعارماشىلىق باستامالاردىڭ دامۋىن قولداۋعا مٷمكٸندٸك بەرەدٸ.
سونىمەن قاتار, حالىقارالىق ىنتىماقتاستىق ماڭىزدى رٶل اتقارادى, سونىڭ ارقاسىندا اۆسترييا, فرانتسييا, ليحتەنشتەين, ەمٸرلٸكتەر, تٷركييا, رەسەي جەنە باسقا ەلدەردەن قازاقستانعا اقشا, باعالى قاعازدار, جىلجىمايتىن مٷلٸك جەنە زەرگەرلٸك بۇيىمدار تٷرٸندەگٸ اكتيۆتەر قايتارىلدى.
مەسەلەن, اۆسترييادان 36,8 ملرد تەڭگە, ليحتەنشتەيننەن 116,7 ملرد تەڭگە, تٷركييادان 2,2 ملرد تەڭگە, بٸرٸككەن اراب ەمٸرلٸكتەرٸنەن 6,3 ملرد تەڭگە جەنە باسقا ەلدەردەن قايتارىلدى.
بۇدان باسقا, لاۋازىمدىق ٶكٸلەتتٸكتەرٸن تەرٸس پايدالانعانى ٷشٸن سوتتالعان يندۋسترييا جەنە ينفراقۇرىلىمدىق دامۋ ەكس-ۆيتسە-مينيسترٸ ت. توقتاباەۆقا قاتىستى قىلمىستىق ٸس بويىنشا مەملەكەت پايداسىنا قوستاناي وبلىسىنداعى قۇنى 5,6 ترلن تەڭگەدەن اساتىن نيكەل مەن كوبالتتىڭ ٸرٸ قورلارى بار بٸرەگەي «شەۆچەنكوۆسكوە» كەن ورنى بەرٸلدٸ.
ەستەرٸڭٸزگە سالا كەتەيٸك, بۇعان دەيٸن اگەنتتٸك زالالدى ٶتەۋ رەتٸندە ق. ساتىبالدىۇلى قايتارعان جىلجىمايتىن مٷلٸك وبەكتٸلەرٸن مەملەكەتكە بەرۋ تۋرالى حابارلاعان بولاتىن.
"زاڭسىز ساتىپ الىنعان اكتيۆتەردٸ قايتارۋ بويىنشا جۇمىس جالعاسۋدا", - دەيدٸ سىبايلاس جەمقورلىققا قارسى قىزمەت ٶكٸلدەرٸ.
