Qazaqstan halyqaralyq týrizm kartasynda óz ornyn nyǵaityp keledi. Osy jyldyń 9 aiynda elimizge kelgen sheteldik týristerdiń sany 5,8 million adamdy qurap, rekordtyq kórsetkishke jetti, dep habarlaidy finprom.kz saity.
Málim etilgendei, sońǵy 5 jylda elge saiahattap kelgen týrister sany 5 million adamnan aspaǵan. Ótken jyldyń qańtar-qyrkúiegimen salystyrǵanda, Qazaqstanǵa kelýshiler sany biyl 18,1% ósken.
Zertteýge sáikes, qazaqstandyqtardyń da otandyq týrizmge degen qyzyǵýshylyǵy artyp keledi. Azamattardyń kóp bóligi shetelde emes, elimizdiń ishindegi demalysty tańdaýda. Biylǵy 9 aidyń qorytyndysy boiynsha ishki týrister sany 4,4 million adamǵa jetken, bul ótken jylǵy kórsetkishtermen salystyrǵanda 25% kóp. Syrtqy týrizmmen qatar ishki týrizm de 2010 jyldan bergi kórsetkishtiń eń joǵary deńgeiine jetti.
Budan bólek, biyl qańtar-qyrkúiek aralyǵynda túrli deńgeidegi qonaqúilerde 3,9 million bólme jalǵa alyndy, bul ótken jyldyń osy kezeńimen salystyrǵandan 23,7% joǵary.
Nómirlerdiń eń kóp bóligi qymbat jáne bes «juldyzdy» qonaqúilerde berilgen. Shuǵyl derekter boiynsha, biyl bes «juldyzdy» qonaúilerde nómirlerdiń 50,5% týristermen tolyqqan. Bul kórsetkish ótken jyly 40,5%-dy qurady.
