© Sputnik / Vladislav Vodnev
Resei Qazaqstanǵa qatysty odaqtastyq qarym-qatynasyn qaita qaramaidy. Bul týraly Reseidiń Qazaqstandaǵy tótenshe jáne ókiletti elshisi Aleksei Borodavkin reseilik saiasattanýshy Dmitrii Drobnitskiidiń jýyrdaǵy málimdemesine túsinikteme bere otyryp málimdedi, - dep habarlaidy Sputnik Qazaqstan.
Drobnitskii "Rossiia 1" arnasyndaǵy "Vecher s Vladimirom Solovevym" baǵdarlamasynda Qazaqstan "Ýkrainanyń izimen" júrip, "Resei úshin kelesi problemaǵa" ainalýy múmkin ekenin aitty.
"Qazaqstan – bizdiń eń jaqyn odaqtasymyz jáne integratsiialyq seriktesimiz, bul saiasi aksiomany qaita qaraý máselesi Resei – Qazaqstan qarym-qatynasynyń kún tártibinde turǵan joq", - dep túsindirdi Aleksei Borodavkin.
Diplomat bul týraly Resei prezidenti Vladimir Pýtin de, syrtqy ister ministri Sergei Lavrov ta birneshe ret aitqanyn eske saldy.
"Sarapshylardyń" oidan shyǵarylǵan Kremldiń keibir syrtqy saiasi josparlary týraly jaýapsyz joramaldary Máskeý men Astananyń ortaq múddelerine qaishy jáne bul tatý memleketter men halyqtardyń arasyna jik salýdy kózdegen Batys úshin tiimdi bolyp otyr", - dep esepteidi Borodavkin.
Onyń pikirinshe, Batystyń tapsyrysymen jasalǵan osyndai arandatýshylyq áreketti internette rýsofobiialyq sipatta málimdeme jasaityn qazaqstandyqtar da oryndap jatyr.
Prezident Qasym-Jomart Toqaev 2022 jylǵy 1 qyrkúiektegi Qazaqstan halqyna joldaýynda dál osyndai ekstremistik áreketterdi "qoǵamnyń turaqtylyǵy men qaýipsizdigine qol suǵý, memlekettiń negizderin shaiqaltý áreketi" dep atap, olarmen ymyrasyz kúresýge shaqyrdy.
