Foto: nege.kz alyndy
Eýropalyq odaq, Birikken ulttar uiymynyń balalar qory (IýNISEF) jáne syrtqy ister ministrliginiń ókilderi qaqtyǵys aimaqtarynan oralǵan balalar men olardyń otbasylaryn reintegratsiialaýǵa baǵyttalǵan birlesken baǵdarlamanyń progresin talqylaý úshin ekinshi úilestirý keńesine jinaldy, dep habarlaidy Azattyq Rýhy.
Baǵdarlamanyń ekinshi kezeńin iske asyrý aiasynda seriktester Qazaqstandaǵy balalardy qorǵaý júiesin nyǵaitý jáne qaqtyǵys aimaqtarynan oralǵan balalarǵa qajetti qoldaý kórsetý sharalaryn qabyldady.
«Baǵdarlamanyń tabysty bolýy barlyq taraptardyń birlesken áreketterine bailanysty. Bilim, resýrstar jáne tájiribe almasý arqyly biz qaqtyǵys aimaqtarynan oralǵan balalardy reintegratsiialaý úshin turaqty sheshimder usyna alamyz», – deidi Qazaqstan Respýblikasy Syrtqy ister ministrliginiń erekshe tapsyrmalar jónindegi elshisi Talǵat Qaliev.
Kezdesý barysynda balalardy qorǵaý júielerin nyǵaitý, bilim berý jáne áleýmettik-psihologiialyq qyzmetterdi jaqsartý, balamaly otbasylyq kútimdi keńeitý jáne qaqtyǵys aimaqtarynan oralǵan balalardyń bilimi men daǵdylaryn damytý máseleleri talqylandy.
EO delegatsiiasynyń Qazaqstandaǵy yntymaqtastyq bóliminiń basshysy Iohannes Baýr EO-nyń aimaqty qoldaýǵa degen mindettemesiniń mańyzdy ekenin atap ótti.
«Eýropalyq Odaq qaqtyǵystardan zardap shekken balalardy qorǵaý jáne qaita integratsiialaý jónindegi Qazaqstannyń áreketin qoldaýda senimdi seriktes bolyp tabylady. IýNISEF-pen jáne Qazaqstan úkimetimen yntymaqtastyǵymyz bilim berý, densaýlyq saqtaý jáne balalardyń quqyqtaryn qorǵaý salasyndaǵy qyzmetterdiń sapasyn jaqsartýda mańyzdy ról atqarady», – dedi ol.
Kezdesýde qaqtyǵys aimaqtarynan oralǵan balalardy qorǵaý jónindegi áreketterdi odan ári nyǵaitý jáne aimaqtar arasyndaǵy úilestirýdi jaqsartý jónindegi usynymdar ázirlendi. Aita keteiik, jalpy Qazaqstanǵa qaqtyǵys aimaqtarynan barlyǵy 526 bala oralǵan.
