Tájikstan Respýblikasynyń Prezidenti Emomali Rahmon aldaǵy kúnderi josparlanǵan birqatar iri sharaǵa qatysý úshin elimizge keldi, dep habarlaidy "Ult aqparat" Úkimettiń baspasóz qyzmetine silteme jasap.
Asa mártebeli qonaqty elorda áýejaiynda QR Premer-Ministri Álihan Smaiylov qarsy aldy.
Tájikstan Prezidenti Aziiadaǵy ózara is-qimyl jáne senim sharalary jónindegi VI sammitke, TMD memleket basshylary keńesiniń otyrysyna jáne «Ortalyq Aziia – Resei» sammitine qatysady.
Aita keteiik, 12-13 qazanda Astanada Aziiadaǵy ózara is-qimyl jáne senim sharalary jónindegi keńestiń VI sammiti ótedi, oǵan barlyǵy 50-ge jýyq delegatsiia qatysady.
14 qazanda elordada TMD memleket basshylary keńesiniń otyrysy ótedi, onyń aiasynda uiym qyzmetiniń negizgi máseleleri talqylanady. Otyrysqa Ázerbaijan, Armeniia, Belarýs, Qazaqstan, Qyrǵyzstan, Resei, Túrikmenstan, Tájikstan jáne Ózbekstan basshylary qatysady.
Sonymen qatar 14 qazanda Astanada «Ortalyq Aziia – Resei» sammiti ótedi. Onda saýda, mádeniet, qaýipsizdik jáne t.b. salalardaǵy óńirlik yntymaqtastyq máseleleri talqylanady.
