Foto: elements.envato.com
Eýropalyq odaqtyń syrtqy ister jáne qaýipsizdik saiasaty jónindegi joǵary ókili Jozep Borrell Qazaqstanǵa BUU Jarǵysyna, ásirese barlyq eldiń aýmaqtyq tutastyǵyna qatysty ustanymy úshin alǵys aitty, - dep habarlaidy Tengrinews.kz.
"Prezident myrza (Qasym-Jomart Toqaev - esk.) meni Aýǵanstandaǵy jaǵdai týraly habardar etti. Keshe ǵana Aýǵanstan búkil gazettiń muqabasyna shyqty, biraq búgin bári ony umytyp ketti. Al biz bul týraly umytqan joqpyz. Bul eldegi jaǵdai biz úshin óte mańyzdy.
Biz óz ustanymdarymyzdy biriktirý jáne kópjaqtylyqty qorǵaý, sondai-aq aýmaqtyq tutastyq pen egemendik týraly BUU Jarǵysyn qurmetteý qajet ekeni týraly kelistik. Men Qazaqstanǵa BUU Jarǵysyna, ásirese barlyq eldiń aýmaqtyq tutastyǵyna qatysty berik ustanymy úshin alǵys aitamyn. Birge biz óz aimaqtarymyzda qaýipsizdik pen turaqtylyqty qamtamasyz etýge daiynbyz", - dedi ol Aqordada ótken baspasóz máslihatynda.
