Qazaqstanǵa anyqtamasyz kelgen úsh jolaýshydan PTR-taldaý nátijeleri boiynsha koronavirýstyq infektsiia anyqtaldy, dep habarlaidy "Ult aqparat" QR Densaýlyq saqtaý ministrliginiń Telegram kanalyna silteme jasap.
2021 jylǵy 20 qańtarynda Qazaqstan Respýblikasynyń aýmaǵyna Germaniia, Niderlandy, Koreia, BAÁ, Mysyr, Túrkiia, RF, Belarýs Respýblikasy jáne Ózbekstannan 13 halyqaralyq áýe reisi keldi.
1270 áýe jolaýshylarynyń ishinde PTR-testileýdiń teris nátijesi bar anyqtamamen 1012 adam, anyqtamasyz 258 QR azamattary keldi.
Onyń ishinde:
Almaty qalasynyń áýejaiyna – 5 reis, 600 jolaýshy, anyqtamamen - 577, anyqtamasyz - 23;
Nur-Sultan qalasynyń áýejaiyna – 5 reis, 483 jolaýshy, anyqtamamen - 249; anyqtamasyz - 234;
Atyraý qalasynyń áýejaiyna – 1 reis, 127 jolaýshy anyqtamamen;
Shymkent qalasynyń áýejaiyna – 1 reis, 1 jolaýshy anyqtamamen;
Oral qalasynyń áýejaiyna – 1 reis, 59 jolaýshy, anyqtamamen - 58; anyqtamasyz – 1.
Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde.
2021 jyldyń 19 qańtarynda anyqtamasyz kelgen 202 QR azamatynyń PTR-taldaý nátijeleri boiynsha úsh jolaýshydan koronavirýstyq infektsiia anyqtaldy. Olardyń ishinde bir jolaýshy Sharm-el-Sheih – Qostanai reisimen, taǵy bir jolaýshy Dýbai – Almaty, úshinshi jolaýshy Frankfýrt – Nur-Sultan reisimen kelgen.
