Qazaqstandaǵy un óndirýshiler "1-1,5 aptaǵa jetetindei ǵana" bidai qory qalǵanyn, odan keiin diirmendi toqtatýǵa májbúr bolatynyn aityp dabyl qaqty. Bul jóninde Qazaqstannyń astyq óńdeýshiler odaǵy habarlady, dep jazady Azattyq.
Odaqtyń málimetine qaraǵanda, qazir bidaidyń bir tonnasy 160 myń teńgege deiin qymbattaǵan, biraq mundai baǵadaǵy bidaidyń ózin tabý qiyn. Sonyń saldarynan Qostanai oblysynda diirmenderdiń – jartysynan astamy, Qaraǵandy oblysynda 15 diirmen jumysyn toqtatqan. Soltústik Qazaqstan, Pavlodar oblystary men Almatyda da diirmenderdiń basym bóligi jumys istemei tur.
"Biz, diirmenshiler, eki-úsh aptadan beri bidai satyp ala almai jatyrmyz, usynys joq.... Un qatty qymbattaidy. Qymbatshylyqtan qashyp qutylý múmkin emes, sebebi biz óndiretin ónimniń ózindik qunynyń 85 paiyzy shikizatqa bailanysty" dedi Astyq óńdeýshiler odaǵynyń vitse-prezidenti Talǵatbek Álihan. Onyń sózinen eldala.kz saity úzindi keltiredi.
Reseidiń bidai eksportyn tolyq toqtatqanyn alǵa tartqan diirmenshiler Qazaqstan aýyl sharýashylyǵy ministrliginen bidai eksportyn toqtatyp, barlyq qorǵa inventarizatsiia júrgizýdi talap etip otyr.
Astyq óńdeýshilerdiń aitýynsha, úkimet bidai tasymaldaýǵa kvota berýmen qatar un tasymaldaýdy shektei bastaǵan. Aýyl sharýashylyǵy ministrliginiń túsindirýinshe, astyq naryǵyndaǵy negizgi eki oiynshy Resei men Ýkraina naryqtan ýaqytsha ketip, kórshi naryqtarda suranys artqandyqtan bidai men un tasymaldaýda "ajiotaj" týyndamas úshin osyndai sharalar qabyldanǵan.
– Bizge Túrkiia, Pákistannan importerler kelip jatyr. Ádette arpa satyp alatyn Iran 2 mln tonnaǵa deiin bidai satyp alatynyn málimdedi. Osyndai shaqta kásipkerler ónimdi qymbatyraq satýdy kóbirek oilaidy, azyq-túlik qaýipsizdigi men ishki naryqty toltyrý máselesin sońynda ǵana eske alady, – dedi Aýyl sharýashylyǵy ministrliginiń eginshilik departamentiniń direktory Azat Sultanov "Atameken" palatasynyń otyrysynda.
Ulttyq statistika biýrosynyń málimetinshe, 1 naýryz kúngi jaǵdai boiynsha Qazaqstanda 5,9 mln tonna bidai bolǵan. Alaida diirmenshiler bul málimetke kúmán keltiredi. Olardyń aitýynsha, bul derek ózderi júrgizgen saýalnamadan alynǵan málimetpen múlde sáikes kelmeidi.
