قازاقستانداعى ۇن ٶندٸرۋشٸلەر "1-1,5 اپتاعا جەتەتٸندەي عانا" بيداي قورى قالعانىن, ودان كەيٸن ديٸرمەندٸ توقتاتۋعا مەجبٷر بولاتىنىن ايتىپ دابىل قاقتى. بۇل جٶنٸندە قازاقستاننىڭ استىق ٶڭدەۋشٸلەر وداعى حابارلادى, دەپ جازادى ازاتتىق.
وداقتىڭ مەلٸمەتٸنە قاراعاندا, قازٸر بيدايدىڭ بٸر تونناسى 160 مىڭ تەڭگەگە دەيٸن قىمباتتاعان, بٸراق مۇنداي باعاداعى بيدايدىڭ ٶزٸن تابۋ قيىن. سونىڭ سالدارىنان قوستاناي وبلىسىندا ديٸرمەندەردٸڭ – جارتىسىنان استامى, قاراعاندى وبلىسىندا 15 ديٸرمەن جۇمىسىن توقتاتقان. سولتٷستٸك قازاقستان, پاۆلودار وبلىستارى مەن الماتىدا دا ديٸرمەندەردٸڭ باسىم بٶلٸگٸ جۇمىس ٸستەمەي تۇر.
"بٸز, ديٸرمەنشٸلەر, ەكٸ-ٷش اپتادان بەرٸ بيداي ساتىپ الا الماي جاتىرمىز, ۇسىنىس جوق.... ۇن قاتتى قىمباتتايدى. قىمباتشىلىقتان قاشىپ قۇتىلۋ مٷمكٸن ەمەس, سەبەبٸ بٸز ٶندٸرەتٸن ٶنٸمنٸڭ ٶزٸندٸك قۇنىنىڭ 85 پايىزى شيكٸزاتقا بايلانىستى" دەدٸ استىق ٶڭدەۋشٸلەر وداعىنىڭ ۆيتسە-پرەزيدەنتٸ تالعاتبەك ەليحان. ونىڭ سٶزٸنەن eldala.kz سايتى ٷزٸندٸ كەلتٸرەدٸ.
رەسەيدٸڭ بيداي ەكسپورتىن تولىق توقتاتقانىن العا تارتقان ديٸرمەنشٸلەر قازاقستان اۋىل شارۋاشىلىعى مينيسترلٸگٸنەن بيداي ەكسپورتىن توقتاتىپ, بارلىق قورعا ينۆەنتاريزاتسييا جٷرگٸزۋدٸ تالاپ ەتٸپ وتىر.
استىق ٶڭدەۋشٸلەردٸڭ ايتۋىنشا, ٷكٸمەت بيداي تاسىمالداۋعا كۆوتا بەرۋمەن قاتار ۇن تاسىمالداۋدى شەكتەي باستاعان. اۋىل شارۋاشىلىعى مينيسترلٸگٸنٸڭ تٷسٸندٸرۋٸنشە, استىق نارىعىنداعى نەگٸزگٸ ەكٸ ويىنشى رەسەي مەن ۋكراينا نارىقتان ۋاقىتشا كەتٸپ, كٶرشٸ نارىقتاردا سۇرانىس ارتقاندىقتان بيداي مەن ۇن تاسىمالداۋدا "اجيوتاج" تۋىنداماس ٷشٸن وسىنداي شارالار قابىلدانعان.
– بٸزگە تٷركييا, پەكٸستاننان يمپورتەرلەر كەلٸپ جاتىر. ەدەتتە ارپا ساتىپ الاتىن يران 2 ملن تونناعا دەيٸن بيداي ساتىپ الاتىنىن مەلٸمدەدٸ. وسىنداي شاقتا كەسٸپكەرلەر ٶنٸمدٸ قىمباتىراق ساتۋدى كٶبٸرەك ويلايدى, ازىق-تٷلٸك قاۋٸپسٸزدٸگٸ مەن ٸشكٸ نارىقتى تولتىرۋ مەسەلەسٸن سوڭىندا عانا ەسكە الادى, – دەدٸ اۋىل شارۋاشىلىعى مينيسترلٸگٸنٸڭ ەگٸنشٸلٸك دەپارتامەنتٸنٸڭ ديرەكتورى ازات سۇلتانوۆ "اتامەكەن" پالاتاسىنىڭ وتىرىسىندا.
ۇلتتىق ستاتيستيكا بيۋروسىنىڭ مەلٸمەتٸنشە, 1 ناۋرىز كٷنگٸ جاعداي بويىنشا قازاقستاندا 5,9 ملن توننا بيداي بولعان. الايدا ديٸرمەنشٸلەر بۇل مەلٸمەتكە كٷمەن كەلتٸرەدٸ. ولاردىڭ ايتۋىنشا, بۇل دەرەك ٶزدەرٸ جٷرگٸزگەن ساۋالنامادان الىنعان مەلٸمەتپەن مٷلدە سەيكەس كەلمەيدٸ.
