Qańtar oqiǵasy kezinde halyq arasynda úrei týdyrý úshin kóptegen jalǵan aqparat taratyldy. Bul týraly QR Bas prokýratýrasy Arnaiy prokýrorlar qyzmetiniń bastyǵy Rizabek Ojarov aitty, dep habarlaidy QazAqparat.
«Qańtar oqiǵasy tusynda áleýmettik jeliler arqyly jalǵan habarlamalar kóp taratyldy. Olardyń qatarynda «Almaty men elordada sýdyń lastanýy», «elimizge eki myń tálip sodyrynyń kelýi», «Almatydaǵy biozerthananyń basyp alynýy», «Telefondardyń tolyq tyńdalýy» týraly jalǵan aqparattar bar», - dedi Rizabek Ojarov Ortalyq kommýnikatsiialar qyzmetindegi brifing barysynda.
Onyń atap ótýinshe, bular halyq arasynda úrei týdyrý úshin taratylǵan.
«Osyndai árbir jalǵan aqparat boiynsha Ishki ister ministrligi qylmystyq zańnamaǵa sáikes protsessýaldyq sheshimder qabyldaityn bolady. Sondyqtan azamattarymyzdy resmi aqparat kózderine senip, jalǵan aqparat taratpaýdy suraimyn», - dedi Bas prokýratýra ókili.
