قاڭتار وقيعاسى كەزٸندە حالىق اراسىندا ٷرەي تۋدىرۋ ٷشٸن كٶپتەگەن جالعان اقپارات تاراتىلدى. بۇل تۋرالى قر باس پروكۋراتۋراسى ارنايى پروكۋرورلار قىزمەتٸنٸڭ باستىعى ريزابەك وجاروۆ ايتتى, دەپ حابارلايدى قازاقپارات.
«قاڭتار وقيعاسى تۇسىندا ەلەۋمەتتٸك جەلٸلەر ارقىلى جالعان حابارلامالار كٶپ تاراتىلدى. ولاردىڭ قاتارىندا «الماتى مەن ەلوردادا سۋدىڭ لاستانۋى», «ەلٸمٸزگە ەكٸ مىڭ تەلٸپ سودىرىنىڭ كەلۋٸ», «الماتىداعى بيوزەرتحانانىڭ باسىپ الىنۋى», «تەلەفونداردىڭ تولىق تىڭدالۋى» تۋرالى جالعان اقپاراتتار بار», - دەدٸ ريزابەك وجاروۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, بۇلار حالىق اراسىندا ٷرەي تۋدىرۋ ٷشٸن تاراتىلعان.
«وسىنداي ەربٸر جالعان اقپارات بويىنشا ٸشكٸ ٸستەر مينيسترلٸگٸ قىلمىستىق زاڭناماعا سەيكەس پروتسەسسۋالدىق شەشٸمدەر قابىلدايتىن بولادى. سوندىقتان ازاماتتارىمىزدى رەسمي اقپارات كٶزدەرٸنە سەنٸپ, جالعان اقپارات تاراتپاۋدى سۇرايمىن», - دەدٸ باس پروكۋراتۋرا ٶكٸلٸ.
