Illiýstratsiialyq foto: elements.envato.com
QR Premer-ministri Álihan Smaiylov Qazaqstanǵa sheteldik kapitaldy tartý jumystary týraly aitty, - dep habarlaidy Tengrinews.kz agenttigi.
Úkimet basshysy Prezidenttiń sailaýaldy baǵdarlamasyna sáikes aldaǵy jeti jylda keminde 150 milliard dollar tikelei sheteldik investitsiia tartý jumystary júrgizilip jatqanyn atap ótti. Birinshi jartyjyldyq qorytyndysy boiynsha 14,5 milliard dollar tikelei investitsiia tartylǵan. Bul byltyrǵy sáikes kezeńmen salystyrǵanda 28 paiyzǵa kóp.
"131 myń jańa jumys orny qurylyp, jalpy quny 30 trillion teńge bolatyn 850 investitsiialyq jobadan turatyn respýblikalyq pýlmen jumys júrgizilip jatyr. Biylǵy jyl qorytyndysy boiynsha, 18,5 myń jumys ornyn qurylatyn, 2 trillion teńgege bolatyn 190 joba paidalanýǵa beriledi", - dedi Premer-ministr el Prezidentiniń qatysýymen ótken Úkimettiń keńeitilgen otyrysynda.
Sonymen qatar Premer-ministr birqatar sheteldik kásiporyndardy Qazaqstanǵa kóshirý jumystary júrgizilip jatqanyn qosty. Búginde 19 kásiporyn kóshken, qalǵandary boiynsha jumystar júrgizilip jatyr.
