Foto ashyq derekkózden alyndy
QMA Jambyl oblysy boiynsha departamenti Qyrǵyz Respýblikasynan quny 1,3 mlrd teńgeden asatyn eki vagon temeki ónimderin jóneltpe qujatsyz jáne EBM-siz ákelýge árekettený faktisi boiynsha qylmystyq isti tergep jatyr, dep habarlaidy "Ult aqparat" Qarjylyq monitoring agenttigine silteme jasap.
Memlekettik kirister organdarynyń esepteýleri boiynsha aktsizdiń biýdjetke tólenýi tiis somasy 585 mln teńgeni quraidy.
"Qazirgi ýaqytta qylmystyq is aiasynda birqatar jedel-izdestirý sharalary, tiisti saraptamalar júrgizilip jatyr, onyń nátijeleri boiynsha qylmystyq is boiynsha protsestik sheshim qabyldanady.
QR QPK 201-babyna sáikes ózge de málimetter jariia etilýge jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi" - delingen habarlamada.
