Foto: videodan skrinshot
Almaty áýejaiynda Tailandtan Qazaqstanǵa 11 keli gashish maiyn zańsyz alyp ótpek bolǵan 20 jastaǵy shetel azamaty ustaldy. Bul týraly Ult.kz málimdedi.
Ishki ister ministrliginiń dereginshe, júrgizilgen arnaiy tekserý kezinde politsiia qyzmetkerleri Ulttyq qaýipsizdik komitetiniń Shekara qyzmetimen birlesip áreket etip, áýejaida esirtki zattaryn kontrabandalyq jolmen jetkizýge baǵyttalǵan árekettiń aldyn aldy.
"Bangkok-Almaty reisiniń 20 jastaǵy jolaýshysy, jaqyn shetel azamaty ustaldy. Jeke tintý kezinde odan jalpy salmaǵy shamamen 11 kelilik gashish maiy quiylǵan 12 plastikalyq ydys tárkilendi", – dedi IIM Esirtki qylmysyna qarsy is-qimyl komiteti tóraǵasynyń orynbasary Eldar Ábdikemov.
Atalǵan derek boiynsha qylmystyq kodekstiń 286-baby boiynsha qylmystyq is qozǵaldy. Bul baptyń sanktsiiasymen kúdikti 20 jylǵa deiin ómir boiyna bas bostandyǵynan aiyrylýy múmkin nemese múlki tárkilenedi.
Kúdikti ýaqytsha ustaý izoliatoryna qamaldy.
Jyl basynan beri Qazaqstan aýmaǵyna esirtkini zańsyz ákelýdiń 57 faktisiniń joly kesilgen.
