Aǵymdaǵy jyldyń shilde aiynda 1 mln-ǵa jýyq qazaqstandyq jalpy somasy 5,4 mlrd teńgege azyq-túlik jáne turmystyq jiyntyqtar úshin tólem aldy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetinesilteme jasap.
Áleýmettik qoldaýdyń bul túrimen 1,1 mln adamdy qamtý josparlanyp otyr .
Budan buryn habarlanǵandai, Memleket basshysynyń tapsyrmasy boiynsha tótenshe jaǵdai rejimi men koronavirýstyq infektsiiamen kúres jónindegi karantindik sharalar kezeńinde azamattardy áleýmettik qoldaý maqsatynda azyq-túlik jáne turmystyq jiyntyq alýshylardyń tizimi keńeitildi. Azamattardyń qarym-qatynas jasaýyn azaitý jáne COVID-19 taralýyn boldyrmaý úshin jiyntyqtar balama aqshalai tólemdermen almastyryldy.
Kelesi 5 áleýmettik topqa jatatyn azamattar tólem alýshylar bolyp tabylady:
- ataýly áleýmettik kómek alýshylar qataryndaǵy, onyń ishinde kópbalaly otbasylardaǵy 6 jastan 18 jasqa deiingi balalar;
- meditsinalyq-áleýmettik mekemelerde turaqty turatyn múgedekterdi qospaǵanda, 16 jasqa deiingi múgedek balalar;
- meditsinalyq, áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;
- múgedek balany tárbielep otyrǵan adamdar;
- jumyspen qamtý máseleleri boiynsha jergilikti organda tirkelgen jumyssyz azamattar.
Kómektiń osy túrin alýshylardyń tizimderin jergilikti atqarýshy organdar qalyptastyrady.
Aǵymdaǵy jylǵy naýryz-mamyr ailary aralyǵynda mólsheri 13,5 mlrd teńge bolatyn bul tólemder jalpy somasy 1 mln adamǵa esepteldi.
Esterińizge sala keteiik, 14 shildede QR Premer-Ministri Asqar Mamin Úkimet otyrysynda QR Eńbek jáne halyqty áleýmettik qorǵaý ministrligine qazaqstandyqtarǵa aǵymdaǵy jyldyń shilde aiynda azyq-túlik jáne turmystyq jiyntyqtar úshin aqshalai qarajat tóleýdi bastaýdy tapsyrǵan bolatyn.
