Polisia.kz
Almaty politsiiasy alaiaqtyqtyń jańa túri týraly eskertti, - dep jazady Polisia.kz.
Kiberpol qazirgi ýaqytta internet-alaiaqtyq derekteri jiilep ketkenin habarlaidy. Qaskóiler jábirlenýshiler atynan Whatsapp messendjerindegi akkaýntty paidalanyp, qoljetimdi barlyq kontaktige ártúrli syltaýmen aqsha jiberýdi suraityn mátin jiberip, úshinshi adamdardyń jalǵan shottaryn kórsetedi.
"Kúdiktiler ziian silteme arqyly Whatsapp akkaýntqa qoljetkize alatyny belgili boldy. Osyǵan bailanysty, Almaty politsiiasy azamattardy ádette utys oiyny, balalarǵa daýys berý, kez kelgen taqyryp boiynsha saýalnama jáne t.b. túrinde taralatyn kúmándi siltemelerdi baspaýdy jáne olardyń saityna kirmeýdi, sondai-aq jeke derekterdi engizbeýdi eskertedi jáne shaqyrady", – dedi Almaty qalalyq PD kriminaldyq politsiia basqarmasynyń bastyǵy Qýatbek Naýatov.
Kezdeisoq kúdikti siltemeni bastym dep kúmándansańyz, Whatsapp qoldanbasyna ótip, ózgertýler bólimine kirip, "bailanystyrylǵan qurylǵylarǵa" ótý arqyly Whatsapp akkaýntyńyzǵa parallel kirýdi tekserýge bolady. Ol jerde siz qosylmaǵan belgisiz qurylǵy kórsetilse, osy sessiiadan dereý shyǵyńyz.
