2022-2026 jyldarǵa arnalǵan «Eńbek» ulttyq jobasy ázirlenedi. Bul týraly Úkimet otyrysynda QR Eńbek jáne halyqty áleýmettik qorǵaý ministri Serik Shápkenov aitty, dep habarlaidy QazAqparat.
«Memleket basshysy kásipkerlikti damytý úshin mikroqarjy uiymdarynyń halyqqa kredit berýge qatysýyn jandandyrý jáne «Eńbek» memlekettik baǵdarlamasy tetikterin jetildirý jóninde sharalar qabyldaýdy tapsyrdy. Sonymen qatar jumyspen qamtýdyń jol kartasy boiynsha jumysqa ornalastyrylǵandar týraly aqparatty avtomatty túrde tekserýdi engizýdi tapsyrǵan bolatyn», - dedi ol.
Onyń atap ótýinshe, Memleket basshysynyń tapsyrmalaryn oryndaý maqsatynda 2021 jyldyń naýryz aiynyń sońyna deiin «Eńbek» memlekettik baǵdarlamasyna memlekettiń jáne «Atameken» UKP-nyń qatysýymen mikroqarjy uiymdar qurý bóligine ózgerister engiziledi jáne sońǵy qaryz alýshyǵa 6 paiyzdan aspaityn syiaqy mólsherimen nesie beriletin bolady.
«Qazirgi ýaqytta joba memlekettik organdarmen kelisilip jatyr. Bul rette jergilikti atqarýshy organdarmen jáne «Atamekenmen» turaqty negizde qaryz alýshylardyń jobalaryn súiemeldeý jáne turǵyndarǵa mikrokredit berý boiynsha mikroqarjy uiymdaryna monitoring júrgizýdi qamtamasyz etý qajet. Sonymen qatar ministrlikpen jumyspen qamtý jáne kásipkerlikti qoldaý jónindegi jańa tásilder men tetikterdi qarastyra otyryp, 2022-2026 jyldarǵa arnalǵan «Eńbek» ulttyq jobasy ázirlenedi», dedi Serik Shápkenov.
Biyl Jumyspen qamtýdyń jol kartasy aiasynda infraqurylymdyq jobalardy irikteý, jumyssyzdardy jumysqa ornalastyrý jáne shaǵyn nesielendirý tolyǵymen qaita qaralyp, jańa tásilder ázirlendi. Osy jylǵa 27 myń jumys ornyn qura otyryp, 331 infraqurylymdyq jobany iske asyrý josparlanyp otyr.
