Otbasy bank salymshylaryna memlekettik syiaqy tústi, dep habarlaidy "Ult aqparat" El.kz aqparat agenttigine silteme jasap.
Jyl saiyn turǵyn úi qurylysy jinaq aqsha júiesine qatysýshylarǵa 20% mólsherinde memleket syilyqaqysy tólenedi. Memleket syilyqaqysy 200 AEK (2023 jyly 1 AEK 3 450 teńgege teń) nemese 690 000 teńgeden aspaityn somaǵa esepteledi. Eger osy jyl ishinde Otbasy banktiń depozit ustaýshysy osy qarajatty óz shotyna jinasa nemese olardy bir mezgilde engizse, onda ol 2023 jyldyń qorytyndysy boiynsha eń joǵary syilyqaqyny – 138 000 teńgeni alady. Sizdiń jinaǵan qarajatyńyz bul somadan az bolsa da, sol jinaqtyń 20%-y shotyńyzǵa túsedi.
Memleket tarapynan 20% kóleminde bonýs alýǵa úlgerý úshin Otbasy banktiń salymshylary byltyrǵy 29 jeltoqsanǵa deiin óz depozitterin tolyqtyryp úlgerýi tiis edi.
Ulttyq bank málimetinshe, 2023 jylǵy 1 jeltoqsandaǵy jaǵdaiǵa sáikes Otbasy banktegi jeke tulǵalardyń salym mólsheri 2,296 trln teńgeni quraǵan.
