© Sputnik / Abzal Kaliev
Qazaqstanda jan basyna shaqqandaǵy shyǵyn bir jylda 27 myń teńge artty, dep habarlaidy Sputnik Qazaqstan.
Ranking.kz sarapshylarynyń málimetinshe, 2021 jyldyń úshinshi toqsanynda jan basyna shaqqandaǵy shyǵyn 206,4 myń teńgege jetti – bir jyl burynǵyǵa qaraǵanda 15%-ke artqan.
Mysaly 2020 jyldyń dál osy kezeńinde shyǵyn 179,5 myń teńgeni qurady.
Sarapshylardyń aitýynsha, óńir boiynsha Almaty turǵyndarynyń shyǵyny aitarlyqtai artqan. 2021 jyldyń úshinshi toqsanynda 278,4 myń teńge boldy, bul bir jyl burynǵymen salystyrǵanda 9,1%-ke kóp.
"Eń kóp shyǵyn shyǵaratyn óńirler arasynda Qaraǵandy oblysy (jan basyna shaqqanda 269,3 myń teńge) men elorda (252,4 myń teńge) bar", - delingen aqparatta.
Sondai-aq shyǵyn kólemi Túrkistan oblysynda da artqan: bir jylda birden 26%-ke artyp, 141,5 myń teńgege jetti.
"Jan basyna shaqqandaǵy shyǵyn aitarlyqtai artpaǵan aimaq qatarynda Atyraý jáne Mańǵystaý oblystary bar – ár óńirde bir jyldaǵy ósim 5,7% bolyp, 167,5 myń teńgege jáne 163,6 myń teńgege jetti", - dep habarlady sarapshylar.
Halyq shyǵynynyń 93,3%-i – tutynýshylyq shyǵyn. Bul bir jylda 15,5%-ke artyp, 192,5 myń teńgege jetti.
Onyń ishinde azyq-túlik taýarlaryna 109 myń teńge, azyq-túlikten basqa taýarǵa 51,3 myń teńge, aqyly qyzmetterge 32,2 myń teńge jumsaidy.
Kredit pen qaryzdy tóleý shyǵyny 9,8 myń teńgeni, týystarǵa materialdyq kómek jáne aliment 3,7 myń teńgeni, salyq jáne basqa da tólemder 395 teńgeni qurady.
