Qazaqstanda zeinetaqy jinaqtarynyń jalpy somasy 7 trillion teńgege jetti, - dep habarlaidy "Ult aqparat" "Biryńǵai jinaqtaýshy zeinetaqy qory" AQ baspasóz ortalyǵyna silteme jasap.
2017 jylǵy 1 maýsymdaǵy jaǵdai boiynsha zeinetaqy jinaqtarynyń jalpy somasy 6,99 trln. teńge boldy jáne jyl basyndaǵy kórsetkishpen salystyrǵanda 309,6 milliard teńgege (4,6 paiyz) ósti. Al 2 maýsymda qazaqstandyqtardyń zeinetaqy aktivteri 7 trillion teńgeden asty.
2017 jyldyń 5 aiy ishinde zeinetaqy jarnalarynyń somasy 300,6 mlrd. teńgeni qurady. Sonymen qatar 2017 jyldyń 5 aiy ishinde mindetti zeinetaqy jarnalary boiynsha túsimderdiń ortasha ailyq mólsheri 57 milliardtan asa teńgeni qurady.
"2017 jylǵy qańtar - mamyr ailarynda BJZQ-dan tólenetin zeinetaqy tólemderiniń somasy 106,03 milliard teńgeni qurady. Bul ótken jyldyń sáikes kezeńindegi kórsetkishten 24 paiyzǵa joǵary (85,5 milliard teńge). Bul rette júzege asyrylǵan zeinetaqy tólemderiniń 73,8 paiyzy (nemese 78,3 milliard teńge) zeinetkerlik jasqa tolýǵa bailanysty tólemderdi qurady, 1,5 paiyzy (1,6 milliard teńge) - múgedektigi merzimsiz bolyp belgilengen 1 jáne 2 toptardaǵy múgedekterge; al 6,9 paiyzy (7,3 milliard teńge) - QR sheginen tysqary jerlerge turaqty turýǵa ketýge bailanysty tólendi; 8 paiyzy bolsa (8,4 milliard teńge) - muragerlerge tólengen tólemder; 9,8 paiyzy (10,4 milliard teńge) - saqtandyrý uiymdaryna aýdarylǵan zeinetaqy jinaqtarynyń somasy", - dep habarlady baspasóz ortalyǵyndaǵylar.
Qarastyrylyp otyrǵan kezeń ishinde jeke zeinetaqy shottary sanynyń taza ósimi 14,4 myń shotty qurady, onyń ishinde 154 myńdai JZSh ashylsa, 140 myń JZSh jabyldy.
Osylaisha, 2017 jylǵy 1 maýsymdaǵy jaǵdai boiynsha sharttardyń barlyq túrleri boiynsha salymshylardyń (alýshylardyń) jeke zeinetaqy shottarynyń (JZSh) sany 10,06 million birlik, onyń ishinde mindetti zeinetaqy jarnalary (MZJ) esebinen ashylǵan shottardyń sany 9,6 million birlik boldy.
Mindetti kásiptik zeinetaqy jarnalary (MKZJ) boiynsha salymshylardyń JZSh sany 429 myń birlikti qurady. Al erikti zeinetaqy jarnalary (EZJ) boiynsha 39 myń birlik boldy.
Jyl basynan beri salymshylardyń shottaryna úlestirilgen taza investitsiialyq tabys 114,4 milliard teńge boldy.
"Salymshy (alýshy) óziniń JZSh-syndaǵy zeinetaqy jinaqtarynyń jai-kúii týraly (onyń ishinde eseptelgen investitsiialyq tabys týraly) aqparatty BJZQ-nyń 231 derbes qyzmet kórsetý ortalyqtarynyń birinen, sondai-aq poshta bailanysy, elektrondyq poshta, BJZQ saity nemese uialy qosymsha arqyly ala alady.
2017 jyldyń 5 aiy ishinde BJZQ-nyń derbes qyzmet kórsetý ortalyqtarynda shamamen 3 mln. operatsiia jasaldy, iaǵni kún saiyn BJZQ keńselerinde turǵyndarǵa qyzmet kórsetý aiasynda 25 myńdai operatsiia jasalady degen sóz. Olardyń ishinde MZJ, MKZJ jáne EZJ boiynsha JZSh ashý úshin 153,6 myń ótinish, tólemderdi rásimdeý boiynsha 131,7 myń ótinish qabylandy, 782,6 myń myńnan astam úzindi-kóshirme berildi, aqparat berý tásilin aiqyndaý/ózgertý boiynsha 585,5 myń kelisim rásimdeldi", - dep habarlady baspasóz qyzmetindegiler.
Sońǵy ýaqytta zeinetaqy jinaqtarynyń jai-kúii týraly aqparat alýdyń elektrondyq tásiliniń tanymaldyǵy artyp jatyr. Kúni búginge deiin 754,5 myń adam zeinetaqy shotynyń jai-kúii týraly aqparat alý boiynsha "elektrondyq poshta arqyly" tásilin tańdaǵan. Al 3,3 millionnan astam adam bul úshin Qordyń resmi saityn nemese ártúrli operatsiialyq júielerde jumys isteitin smartfondar men planshetterge arnalǵan "ENPF" uialy qosymshasyn paidalanady.
Salystyrar bolsaq, 2014 jyldyń shildesinde (jeke jinaqtaýshy zeinetaqy qorlarynan aktivter men mindettemelerdi, sondai-aq salymshylar týraly málimetterdi BJZQ-ǵa qabyldaý úderisi aiaqtalǵan soń) internet-habarlandyrý tásilin tańdaǵandardyń sany bar-joǵy 334,8 myń adamdy quraǵan bolatyn.
2016 jylǵy 1 qańtardaǵy jaǵdai boiynsha bul kórsetkish 1,08 million adamǵa deiin ósti, 2017 jylǵy 1 qańtardaǵy jaǵdai boiynsha - 2,66 million. adam. Osylaisha, biylǵy jyldyń basynan beri 640 myńnan astam adam aqparat alýdyń osy bir yńǵaily da jedel túrin tańdady.
2017 jylǵy 1 maýsymdaǵy jaǵdai boiynsha uialy qosymshany júktep alý sany 797,4 myń boldy. Jyl basynan beri júktep alý sany 287,7 myńǵa derlik kóbeidi nemese 56 paiyzǵa artty.
Odan basqa, 2017 jylǵy 1 maýsymdaǵy jaǵdai boiynsha "Biryńǵai jinaqtaýshy zeinetaqy júiesi salymshysynyń (alýshysynyń) zeinetaqy jinaqtarynyń (investitsiialyq kiristerin eskere otyryp) jai-kúii týraly aqparat berý" qyzmeti arqyly elektrondyq úkimet portaly arqyly salymshylardyń (alýshylardyń) jeke zeinetaqy shottarynan 512 myńnan astam úzindi-kóshirme berilgen. Salystyratyn bolsaq, osy portal arqyly aǵymdaǵy jyldyń basyndaǵy jaǵdai boiynsha 352 myń úzindi-kóshirme berilgen edi.
"Salymshy (alýshy) BJZQ-ǵa ózi kelip, ne bolmasa 1418 tegin nómirine qońyraý shala otyryp telefon arqyly, áleýmettik jeliler, sondai-aq qashyqtyqtan: Qordyń korporativtik saityndaǵy "Keri bailanys" nysany, "onlain-chat", "Tóraiymnyń Blogy" jáne "Qoǵamdyq qabyldaý" arqyly qupiia aqparattan basqa barlyq ózin qyzyqtyrǵan máseleler boiynsha keńes ala alady", - dep habarlady BJZQ baspasóz ortalyǵyndaǵylar.
