2020 jylǵy 1 qarashadaǵy jaǵdai boiynsha Qazaqstan salymshylarynyń zeinetaqy jinaǵynyń somasy 12,6 trillion teńge boldy, dep habarlaidy "Ult aqparat".
«2020 jyldyń 1 qarashasyna qarai Biryńǵai jinaqtaýshy zeinetaqy qory salymshylarynyń shotynda 12,6 trillion teńge zeinetaqy jinaǵy qalyptasty. Bir jyl ishinde onyń somasy eki trillion teńgeden asa nemese 20% ósti» delingen habarlamada.
Zeinetaqy jinaǵynyń negizgi somasy mindetti zeinetaqy jarnasy esebinen quraldy, onyń mólsheri - 12,3 trln teńge. Mindetti kásiptik zeinetaqy jarnasy boiynsha - 305,7 mlrd teńge, al erikti zeinetaqy jarnasy 2,16 mlrd teńgege jetti.
2020 jyldyń basynan bastap 1 qarashaǵa deiingi kezeń ishinde BJZQ salymshylarynyń shotyna 1,1 trln teńge taza investitsiialyq tabys esepteldi. Ótken jylmen salystyrǵanda eki ese artyq.
2020 jyldyń basynan beri salymshylardyń shotyna jalpy kólemi 867,05 mlrd teńge zeinetaqy jarnasy aýdarylǵan, ol 2019 jyldyń 10 aiyndaǵy kórsetkishten 67,1 mlrd teńgege nemese 8% asyp tústi.
Tólem 155,3 mlrd teńgeni qurady.
