2020 جىلعى 1 قاراشاداعى جاعداي بويىنشا قازاقستان سالىمشىلارىنىڭ زەينەتاقى جيناعىنىڭ سوماسى 12,6 تريلليون تەڭگە بولدى, دەپ حابارلايدى "ۇلت اقپارات".
«2020 جىلدىڭ 1 قاراشاسىنا قاراي بٸرىڭعاي جيناقتاۋشى زەينەتاقى قورى سالىمشىلارىنىڭ شوتىندا 12,6 تريلليون تەڭگە زەينەتاقى جيناعى قالىپتاستى. بٸر جىل ٸشٸندە ونىڭ سوماسى ەكٸ تريلليون تەڭگەدەن اسا نەمەسە 20% ٶستٸ» دەلٸنگەن حابارلامادا.
زەينەتاقى جيناعىنىڭ نەگٸزگٸ سوماسى مٸندەتتٸ زەينەتاقى جارناسى ەسەبٸنەن قۇرالدى, ونىڭ مٶلشەرٸ - 12,3 ترلن تەڭگە. مٸندەتتٸ كەسٸپتٸك زەينەتاقى جارناسى بويىنشا - 305,7 ملرد تەڭگە, ال ەرٸكتٸ زەينەتاقى جارناسى 2,16 ملرد تەڭگەگە جەتتٸ.
2020 جىلدىڭ باسىنان باستاپ 1 قاراشاعا دەيٸنگٸ كەزەڭ ٸشٸندە بجزق سالىمشىلارىنىڭ شوتىنا 1,1 ترلن تەڭگە تازا ينۆەستيتسييالىق تابىس ەسەپتەلدٸ. ٶتكەن جىلمەن سالىستىرعاندا ەكٸ ەسە ارتىق.
2020 جىلدىڭ باسىنان بەرٸ سالىمشىلاردىڭ شوتىنا جالپى كٶلەمٸ 867,05 ملرد تەڭگە زەينەتاقى جارناسى اۋدارىلعان, ول 2019 جىلدىڭ 10 ايىنداعى كٶرسەتكٸشتەن 67,1 ملرد تەڭگەگە نەمەسە 8% اسىپ تٷستٸ.
تٶلەم 155,3 ملرد تەڭگەنٸ قۇرادى.
