Biryńǵai jinaqtaýshy zeinetaqy qory salymshylarynyń zeinetaqy jinaqtary 2022 jyldyń 1 qańtaryndaǵy jaǵdai boiynsha 13,1 trillion teńgege jetti, dep habarlaidy QazAqparat.
Qor málimetinshe, bul soma zeinetaqy jarnalary men investitsiialyq tabysty qamtidy.
Zeinetaqy jinaqtarynyń edáýir ósýi 2021 jyldyń 1 qańtary men 2022 jyldyń 1 qańtary aralyǵynda 1,4 trln teńgeden asqan taza investitsiialyq tabystyń arqasynda qamtamasyz etildi, bul byltyrǵy kórsetkishten 138,2 mlrd teńgege nemese 11% artyq. Qazaqstan Ulttyq bankiniń basqarýymen BJZQ zeinetaqy aktivteri boiynsha kiristilik jyl basynan beri 11,13%, al infliatsiia 8,4% qurady.
Esterińizge sala keteiik, investitsiialyq tabystyń quramyna baǵaly qaǵazdar (salymdar jáne basqa operatsiialar) boiynsha syiaqy túrindegi kirister, qarjy quraldaryn naryqtyq qaita baǵalaý túrindegi kirister, valiýtalyq qaita baǵalaý túrindegi kirister, syrtqy basqarýdaǵy aktivter boiynsha kirister jáne taǵy basqalary kiredi.
«Jalpy, barlyq zeinetaqy aktivteri BJZQ-ǵa biriktirilgen sátten bastap Ulttyq bank qamtamasyz etken investitsiialyq tabys 6,04 trln teńgege jetti. Bul rette 2022 jyldyń 1 qańtaryndaǵy jaǵdai boiynsha jinaqtaýshy zeinetaqy júiesiniń qurylǵan kúninen bastap (1998 jyl) investitsiialyq kiristilik ósý qorytyndysymen – 681,13%, al infliatsiia 546,77% boldy. Osylaisha, jinaqtaýshy zeinetaqy júiesi qoldanysqa engen kezden bastap 2022 jyldyń 1 qańtaryna deiingi kezeńde zeinetaqy aktivteriniń naqty kiristiligi 134,36%» - delingen habarlamada.
Aita ketý kerek, zeinetaqy jinaqtary – bul uzaq merzimdi investitsiialar, ári investitsiialyq tabystyń mólsherin keminde 1 (bir) jyl kezeńinde taldaý oryndy. Qysqa merzimdi derekter (apta saiynǵy, ai saiynǵy jáne t.b.) – aiqyn nátije kórsetpeidi. Óitkeni, ol naryqtyń qubylmaly ózgeristerine táýeldi.
