2018 jyldyń 1 qarashasyndaǵy jaǵdai boiynsha qazaqstandyqtardyń zeinetaqy jinaqtarynyń jalpy somasy 9 trln teńgeni qurady. Bul, ótken jyldyń sáikes kezeńimen salystyrǵanda 1,5 trln teńgege kóp, dep habarlaidy "Ult aqparat".
Biryńǵai jinaqtaýshy zeinetaqy qorynan málim etkendei, bir jyl ishindegi ósim 19 paiyz qurady.
«Al 2018 jyldyń basynan bergi ósim 1,3 trln teńgeni nemese 16 paiyzdy qurady. Zeinetaqy jinaqtarynyń basym bóligi mindetti zeinetaqy jarnalary esebinen qalyptasyp, olardyń somasy 8,9 trln teńgege jetti. 2018 jyldyń 1 qarashasyna qarai sharttardyń barlyq túrleri boiynsha jeke zeinetaqy shottarynyń sany 10,3 mln birlikti qurady. Onyń ishinde mindetti zeinetaqy jarnalary esebinen ashylǵan shottar 9,8 mln birlik, mindetti kásiptik zeinetaqy jarnalaryn esepke alý boiynsha JZSh sany 472,5 myń birlik, al erikti zeinetaqy jarnalary boiynsha 46 myń birlik boldy», - delingen qor aqparatynda.
On ai ishinde qor salymshylarynyń shottaryna eseptelgen taza investitsiialyq tabys 715,6 mlrd teńgege jetti. Ótken jyldyń sáikes kezeńinde bul soma 457,7 mlrd teńgeni quraǵan bolatyn. Bir jyl ishindegi ósim - 56 paiyz.
Eske salaiyq, buǵan deiin qazaqstandyqtardyń zeinetaqy aktivteri qaida investitsiialanyp jatqany týraly jazǵan bolatynbyz.
BJZQ 2013 jylǵy 22 tamyzda «GNPF» JZQ» AQ negizinde quryldy. BJZQ quryltaishysy jáne aktsioneri - QR Qarjy ministrliginiń «Memlekettik múlik jáne jekeshelendirý komiteti» MM arqyly Qazaqstan Respýblikasynyń Úkimeti. BJZQ zeinetaqy aktivterin senimgerlikpen basqarýdy QR Ulttyq banki júzege asyrady. 2016 jylǵy 1 qańtardan bastap zeinetaqy aktivterin basqarý tiimdiligin arttyrý boiynsha usynystar jasaý qyzmeti Ulttyq qordy basqarý keńesine berildi.
