2026 jylǵa deiin qazaqstandyqtardyń ortasha ómir súrý uzaqtyǵy 75 jasqa jetedi dep kútilýde. Bul týraly búgin Densaýlyq saqtaý ministri Aleksei Tsoi Dúniejúzilik densaýlyq saqtaý uiymynyń Qazaqstandaǵy Eldik keńsesiniń ókilderi – Dúniejúzilik densaýlyq saqtaý uiymynyń QR-daǵy ókili Kerolain Klarinval jáne meditsinalyq máseleler jónindegi aǵa keńesshi Omar Salehpen kezdesýde aitty, dep habarlaidy "Ult aqparat".
Kezdesý barysynda taraptar QR Densaýlyq saqtaý ministrligi men DDSU Eýropalyq óńirlik biýrosy arasyndaǵy 2020-2021 jyldarǵa arnalǵan eki jyldyq kelisimdi iske asyrý máselelerin talqylady. Qujat úsh baǵyt boiynsha iske asyrylýda – taǵy 1 milliard adamdy jappai densaýlyq saqtaý qyzmetimen qamtý, densaýlyq saqtaý salasyndaǵy tótenshe jaǵdai kezinde qorǵaý, taǵy 1 milliard adamnyń densaýlyǵy men ál-aýqatyn arttyrý.
A. Tsoi men DDSU ókilderi COVID-19-ǵa qarsy kúres máseleleri boiynsha yntymaqtastyqty da talqylady. 2020 jyldyń naýryz aiynan bastap Dúniejúzilik densaýlyq saqtaý uiymy Qazaqstanǵa 7 partiia jeke qorǵanys quraldary men gýmanitarlyq kómek jiberdi. Sonymen qatar, uiym koronavirýs pandemiiasymen kúresýde únemi tehnikalyq jáne saraptamalyq qoldaý kórsetedi. Segiz ai ishinde elimizdiń 1600-den astam meditsina qyzmetkeriniń qatysýymen 20 vebinar ótti.
Sondai-aq, Aleksei Tsoi QR Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasynyń iske asyrylýy týraly habardar etti.
«Memlekettik baǵdarlamany iske asyrý nátijesinde 2026 jylǵa deiin qazaqstandyqtardyń ómir súrý uzaqtyǵy 75 jasqa jetedi dep kútilýde, merziminen buryn ólim qaýpi 15,43% deiin tómendeidi jáne negizgi kórsetkishter boiynsha halyqtyń densaýlyq jaǵdaiy jaqsarady», - dedi ministr.
Densaýlyq saqtaý ministrligi ólim-jitimniń negizgi sebepteri boiynsha júieli josparly jumys júrgizýde, tórtinshi jyl tiisti úilestirý keńesteri jumys isteýde. Onkologiialyq aýrýlarmen kúres jónindegi keshendi jospar, alǵashqy meditsinalyq-sanitarlyq kómekti damytý jónindegi is-sharalar jospary, ana men bala ólimin tómendetý jónindegi jedel josparlar jáne basqalar iske asyrylýda.
Álemdegi densaýlyq saqtaý júiesindegi qazirgi jaǵdaidy eskere otyryp, A.Tsoi K. Klarinvalǵa 2021-2022 jyldarǵa arnalǵan kelisimge praktikalyq densaýlyq saqtaýdyń zamanaýi tásilderi men ǵylymi-dáleldi praktikany qamtityn is-sharalardy qosýdy usyndy. Densaýlyq saqtaý ministrliginiń basshysy 2020 jylǵy 14 jeltoqsanǵa josparlanǵan MSAK jónindegi deklaratsiiany ilgeriletýdiń operatsiialyq tetigin iske qosýǵa arnalǵan is-sharany DDSU-men birlesip uiymdastyrýǵa jáne ótkizýge daiyn ekenin bildirdi.
