Qarjy ministrligi salyq deklaratsiiasyn tapsyrý úlgisin belgileitin buiryq jobasyn jariialady. Formadan birneshe bólik alynyp tastalǵan. Bul týraly "Ult aqparat" Stan.kz aqparat agenttigine silteme jasap habarlaidy.
Joba "Ashyq NQA" portalynda jariialandy, ol 25 naýryzǵa deiin jariia talqylanady.
Jobaǵa túsindirme jazbada “onyń maqsaty – jeke tulǵanyń kirisi men múlki týraly deklaratsiia nysanyn (270.00-nysan) jáne deklaratsiialanatyn málimetterdi ońtailandyrý” delingen.
Salyq úlgisinde deklaratsiialanatyn málimetter tizbesi qysqartylǵan. Odan kirister (jalaqy, depozitter boiynsha syiaqylar, zeinetaqy tólemderi) jáne múlik (satyp alý nemese ielikten shyǵarý týraly) týraly málimetter alynyp tastaldy.
270.00 formasyn myna jerden kórýge bolady. Salyq qyzmetkerleriniń nusqaýyn myna jerden oqi alasyz.
Bul málimetterdi salyq organdary memlekettik aqparattyq júielerden alady. Zeinetaqy jinaqtary boiynsha aqparat BJZQ-dan, depozitter boiynsha bankterden, al jalaqy týraly jumys berýshilerden avtomatty túrde alynýy múmkin.
Budan basqa, buiryq jobasynda jeke tulǵalar úshin salyq deklaratsiiasyn tapsyrýdyń biryńǵai merzimi — 15 qyrkúiekke deiin belgilengen.
2024 jylǵy 1 qańtardan bastap deklaratsiiany zańdy tulǵalardyń basshylary men quryltaishylary (qatysýshylary), jeke kásipkerler men olardyń jubaiy, sondai-aq qyzmetin toqtatqandar nemese áreketsiz salyq tóleýshiler tiziminde turǵandar tapsyrýǵa tiis.
