Qazaqstandyqtardyń ainalymyndaǵy kredit kartalarynyń sany jyl ishinde 1,5 ese artty, dep habarlaidy ranking.kz.
Qyrkúiekte elimizde ainalymda júrgen tólem kartalarynyń sany 42,7 mln-ǵa jetti. Bul bir jyl burynǵy kórsetkishten 41,8 paiyzǵa kóp. Jyl ishinde kredit kartalary birden 50,8 paiyzǵa artyp, 8,2 mln dana boldy. Ainalymdaǵy jalpy kartalardyń ishinde kredit kartalarynyń úlesi qazirgi ýaqytta 19,2 paiyzǵa jetti. Al bir jyl buryn olardyń úlesi 18, 5 jyl buryn 16,1, al 2011 jyldyń tamyzynda 10,8 paiyz bolatyn.
Kredit kartalarynyń ózgeshe nusqalarynyń biri bólip tóleý kartasy dep atalady. Mundai kartalar artyq tólemsiz belgili bir kezeńde, belgili bir komissiiamen satyp alǵan taýardyń qunyn bólip tóleýge múmkindik beredi. Elimizde qazirgi ýaqytta bólip tóleý kartasyn 9 bank usynyp otyr. Buǵan qosa ekinshi deńgeili 3 bank - Jýsan Bank, Sberbank jáne Hoým Kredit bank qarjy institýtynyń seriktestik jelilerine qaramastan álemniń kez kelgen elindegi saýda núktesinde kartalarymen satyp alǵan taýardyń qunyn bólip tóleýge múmkindik usynady.
Jýsan Bank pen Sberbank 3 aiǵa «taza» bólip tóleýmen jumys isteidi. Al odan keiin komissiia alynady. Tólem merzimi ótip ketken jaǵdaida Jýsan Bank bólip tólenetin somaǵa bailanysty aiyna 490-nan 4 990 teńgege deiin komissiia alady. Al Sberbank komissiiasy bólim tóleý merzimine, satyp alynǵan taýardyń somasyna bailanysty 7,5 paiyzdan 30 paiyzǵa deiin aýytqyp otyrady.
Hoým Kredit banki búkil álem boiynsha 5 aiǵa, seriktestik jelilerinde 12 aiǵa «taza» bólip tóleýdi usynady. Degenmen, bólip tóleý kartasy qoldanysta bolǵan kezde ony paidalaný úshin ai saiyn 499 teńge tóleý kerek.
Jýsan Bank mundai kartalarǵa alǵashqy 2 jyl tegin qyzmet kórsetedi, odan keiin aiyna 50 teńge tólenedi. Al Sberbankta tek birinshi jyl tegin. Ekinshi jyldan bastap aiyna 210 teńge tóleýge týra keledi.
Kaspi Bank 3 aiǵa, ForteBank pen Kassa Nova banki 4 aiǵa ózderiniń seriktestik jelilerinen taýardy 3 aiǵa bólip tóleýge múmkindik beredi. Tsentr Kredit bank, Eýraziialyq bank jáne Halyq bank seriktestik jelilerinde «taza» bólip tóleýdi usynady. Qalǵan jelilerden satyp alynǵan taýar úshin komissiia tóleýge týra keledi. Tsentr Kredit bank, Eýraziialyq bank jáne ForteBank kartalaryn olardyń jaramdylyq merzimi aiaqtalǵanǵa deiin tegin paidalanýǵa bolady.
