Depýtattardyń Astana ataýyn ózgertý týraly bastamasy halyq tarapynan qoldaý tappady. Qazaqstandyqtardyń 94 paiyzy Astana ataýyn ózgertýge qarsy, - dep habarlaidy DEMOSCOPE qoǵamdyq pikirge jedel-monitoring júrgizý biýrosy. Olar Qazaqstan azamattary arasynda "Elorda ataýyn ózgertý týraly bastama" taqyrybynda saýalnama júrgizdi.
Saýalnamaǵa Astana, Almaty qalalary men 14 oblys ortalyǵynan 18 jastan asqan 3607 adam qatysty. Áielder - 67 paiyz, er azamattar - 33 paiyz. Irikteý yqtimaldyǵy 95%, sondyqtan statistikalyq kórsetkish qateliginiń shekti mólsheri 1,63 paiyzdan aspaidy.
Saýalnama ádisi - telefon arqyly júrgizilgen suhbat (1898 adam) jáne onlain-saýalnama (1710 adam). Zertteý 2016 jyly 24-28 qarasha aralyǵynda júrgizildi.
Halyqtyń basym bóligi Astana ataýyn ózgertý týraly bastamany qoldamaidy. Telefon arqyly júrgizilgen suhbatqa qatysqan qazaqstandyqtardyń 91 paiyzy jáne onlain qatysýshylardyń 97 paiyzy depýtattardyń 23 qarasha kúngi Elbasy esimi elorda ataýynda kórsetý týraly usynysymen kelispeidi.
Zań shyǵarýshylar pikiri men oǵan tolyqtai qarsy qazaqstandyqtar kózqarasy eki top arasyndaǵy alshaqtyqty kórsetedi. Bul jaǵdailar qoǵam jáne Parlament ókilderiniń bir álemde ómir súrip jatqanyna kúmán týǵyzady. Máselen, Astana ataýyn ózgertý týraly bastamany Senat pen Májilis biraýyzdan qoldasa, halyq arasynda talqylaý men ishtei qarsylyq údei tústi.
.jpeg)