Qazaqstandyq kásiporyndardyń 60 mln teńgeden astam qarjysyn alaiaqtyq jolmen qoldy etken aiypty BAÁ-de tutqyndaldy. Bul týraly ishki ister ministrliginde onlain ótken baspasóz máslihaty barysynda belgili boldy, dep habarlaidy QazAqparat.
«BAÁ-den qazaqstandyq kásiporyndardy 60 mln teńgeden astam somaǵa aldap ketken alaiaq qaitaryldy. Ishki ister ministrligi interpoldyń ulttyq ortalyq biýrosy Dýbai qalasyndaǵy QR bas konsýldyǵymen jáne qarjy monitoringi agenttigimen ózara is-qimyl kezinde BAÁ-den Qazaqstanǵa 2015 jyldan beri asa iri mólsherde alaiaqtyq jasaǵany úshin izdestirilip jatqan 43 jastaǵy qylmysker Tólegen Ramiev qaitaryldy», - dedi QR IIM ókili Shuǵyla Turlybek.
Ministrlik ókiliniń málimdeýinshe, qazirgi ýaqytta aiypty qamaýǵa alyndy.
«Sońǵy 3 aida interpoldyń jumysynyń nátijesinde Ispaniia, Resei, Bahrein, BAÁ, Grýziia, Vengriia jáne taǵy basqa elder aýmaǵynan túrli qylmystar úshin izdestirilip jatqan 16 adam anyqtaldy. Mysaly, qańtar aiynda Vengriiada hakerlik áreketter arqyly aqsha urlaǵany úshin Almaty qalasynyń politsiia departamenti izdestirip jatqan Rýmyniia azamaty ustaldy. Ol transulttyq uiymdasqan qylmystyq toptyń quramynda Qazaqstan, Resei, Qytai, Ýkraina, Ázerbaijan bankteriniń shottaryna hakerlik shabýyl jasap, aqsha jymqyrǵan. Shyǵyn somasy 9 mln AQSh dollaryn quraidy. Búginde aiyptyny elimizge berý máselesi qaralyp jatyr», - deidi ol.
