Kóliktegi bas memlekettik sanitarlyq dáriger Sádýaqas Baiǵabylov áýe kóliginde Covid-19 infektsiiasyna PTR testten ótý mindettiligi jónindegi talaptardy alyp tastaý týraly túsinikteme berdi, - dep habarlaidy "Ult aqparat".
Osyǵan deiin málimdelgendei, aldaǵy ýaqytta eldiń ishki áýe reisterine talaptar jumsartylady. Sebebi qazir syrttan keletin jolaýshylarǵa COVID-19 belgilerin rastaityn jáne basqa da talaptar boiynsha arnaiy monitoring júrgiziledi.
Aita ketý kerek, 2020 jyldyń 1-10 mamyry aralyǵynda júrgizilgen monitoring nátijeleri boiynsha áýe kemesimen ushyp kelgen jolaýshylar, áýejai qyzmetkerleri men áýe kemesiniń ekipajdary arasynda koronavirýs infektsiiasyn juqtyrý oqiǵalary tirkelgen joq. Osyǵan bailanysty, biylǵy jyldyń 11 mamyrynan bastap jolaýshylar, áýejailar qyzmetiniń ókilderi jáne ekipaj úshin Covid-19 infektsiiasyna PTR testten ótý mindetti talaby alynyp tastaldy. Kóliktegi bas memlekettik sanitarlyq dáriger tiisti qaýly qabyldady.
