foto: @superyachtfan
Qaltasy qalyń qazaqstandyqtarda 490 jeke iahta men 248 ushaq bar. Mundai málimetter "Ashyq NQA" portalynda jariialanǵan Salyq kodeksi jobasyna qatysty jasalǵan konsýltativtik qujatta kórsetilgen.
«Qazirgi ýaqytta elimizde kelesi qymbat taýarlardyń importy tirkeldi: 0,70 litri 5 995 968 teńge turatyn «MACALLAN 50YO» viskii jáne liker-araq buiymdary (aktsizdiń somasy – 714 teńge), 3 litri 4 225 131 teńgege baǵalanatyn «Cognac Remy Martin Louis XIII» koniagi (aktsizdiń somasy - 300 teńge), 0,75 litri 888 929 teńge bolatyn «Shateau Petrus» sharaby (aktsizdiń somasy - 26 teńge) ákelindi. Sondai-aq, 15 danasy 143 100 teńge bolatyn «Cohiba» sigaralary, 40 danasy 120 000 teńge somasyna «Don Antonio Churchills» sigaralary ákelindi», - delingen jańa Salyq kodeksiniń konsýltativtik qujatyndaǵy derekte.
Ulttyq ekonomika ministrligi jariialaǵan qujatta Qazaqstanda iahtalar men jeke ushaqtar shekteýli adamdar tobynda ǵana bary aitylǵan. Osylaisha 490 iahta jeke tulǵalardyń, al 176 iahta zańdy tulǵalardyń ieliginde bop shyqty, sondai-aq jeke tulǵalarda - 248 ushaq, al zańdy tulǵalarda 665 ushaq bar.
Búgingi tańda zańnamamyzda mundai asqan bailyqqa salyq belgilenbegen.
Jańa Salyq kodeksi 2024 jyldyń 1 qańtarynan bastap kúshine enedi. Zań jobasyn jasaýshylar asqan bailyqqa salyq engizý joldaryn qarastyryp jatyr.
