Biylǵy on aida Qazaqstanda 1 millionnan astam avtokólik tirkeýge qoiyldy. Bul týraly «QazAvtoÓnerkásip» avtokólik salasyndaǵy kásiporyndar odaǵynan málim etti, dep habarlaidy "Ult aqparat".
«Esepti kezeńde ákimshilik politsiia organdary 1 084 633 avtokólikti tirkeýge qoidy. Atalǵan kórsetkish ótken jyldyń sáikes kezeńinen 12 paiyzǵa kem. Onyń ishinde 970 506-sy birneshe ret tirkelgender úlesinde, iaǵni bir adamnan ekinshi adamnyń atyna aýystyrylǵan kólikter sanatyna jatqyzyldy. Bir jyl burynǵy deńgeimen salystyrǵanda 15,6 paiyzǵa tómendedi. Al alǵash ret tirkelgen kólik quraldarynyń sany artyp, 114 127-ni qurady. Bul kórsetkish byltyrǵa qaraǵanda 37 paiyz joǵary. Osy kórsetkishke 2020 jyly bastapqy ári ýaqytsha tirkeýge qoiylǵan Armeniiadan jetkizilgen 16 181 jeńil avtokólik enip otyr», - dep atap kórsetilgen taratylǵan málimette.
Biylǵy qańtar-qazanda Qazaqstan aýmaǵynda 52 elektromobil tirkelgen.
«QazAvtoÓnerkásiptiń» habarlaýynsha, esepti kezeńde qaita tirkelgen kólikterdiń úshten ekisinen astamyn (67,2 paiyzy) paidalaný merzimi 10 jyldan asqan kólikter qamtyǵan.
Atap aitqanda, 20 jyldan asqandardyń úlesi – 401 057 kólik (41,3 paiyz) bolsa, 11-den 20 jylǵa deiingiler – 25,9 paiyz (251 415 kólik).
Al 4-ten 7 jylǵa deiingiler – 167 479 kólikke (17,3 paiyz), 8-den 10 jylǵa deiingiler – 95 891 kólikke (9,9 paiyz), 1-den 3 jylǵa deiingi kólik sany 46 910-ǵa jetti. Sonymen qatar, paidalaný merzimi 1 jylǵa jetpegen kólikterdiń úlesi 0,8 paiyz (7 754 avtomobil) boldy.
