"Tolyq emes otbasy" sanaty boiynsha jeńildetilgen ipotekalyq nesie alý Qazaqstandaǵy jalǵan ajyrasýlardyń bir sebebi. Mundai pikirdi "Otbasy bank" AQ basqarma tóraiymy Lázzat Ibragimova aitty, - dep habarlaidy Tengrinews.kz.
Onyń aitýynsha, bank nesie berý boiynsha úsh jyldyq kezeńniń qorytyndysyna taldaý júrgizgen. Saraptamaǵa sáikes, "tolyq emes otbasylar" sanaty sońǵy tórt jylda jyldam qarqynmen ósip keledi.
"Qazaqstanda 2017 jyly 54 626 ajyrasý tirkelgen. 2018 jyly olardyń sany 54 797-ge deiin ósti. 2019 jyly - bes myńǵa artyq jáne 59 796-ǵa jetti. Koronavirýs taralǵan kezeńde, ajyrasýǵa ótinish berý kúrdelene túskende kórsetkish 48 myńǵa deiin azaidy. 2021 jyly qaita ósip, 48 239 (ajyrasqan otbasylar) boldy. Biz jalǵan ajyrasý sebepteriniń biri - adamdardyń kezekke turǵysy kelýinde dep sanaimyz (ipotekaǵa páter satyp alý úshin - esk.). "Tolyq emes otbasy" baǵyty boiynsha ajyrasý týraly kýálik jetkilikti", - deidi Ibragimova.
Onyń aitýynsha, 23 qyrkúiekte Úkimet qaýlysy aiasynda tolyq emes otbasylarǵa "Shańyraq – 5-10-20" baǵdarlamasy boiynsha nesie beriledi degen usynys qoldaý tapty.
"Bular bala tárbielep otyrǵan, biraq jumys isteitin adamdar. Olar "Shańyraq - 5-10-20" baǵdarlamasy boiynsha alady. Aiyrmashylyq tek eńbekaqy mólsherlemesi boiynsha. Biraq ár otbasy deńgeiinde 30 000 teńge shamasynda", - dep qosty Lázzat Ibragimova.
