"تولىق ەمەس وتباسى" ساناتى بويىنشا جەڭٸلدەتٸلگەن يپوتەكالىق نەسيە الۋ قازاقستانداعى جالعان اجىراسۋلاردىڭ بٸر سەبەبٸ. مۇنداي پٸكٸردٸ "وتباسى بانك" اق باسقارما تٶرايىمى لەززات يبراگيموۆا ايتتى, - دەپ حابارلايدى Tengrinews.kz.
ونىڭ ايتۋىنشا, بانك نەسيە بەرۋ بويىنشا ٷش جىلدىق كەزەڭنٸڭ قورىتىندىسىنا تالداۋ جٷرگٸزگەن. ساراپتاماعا سەيكەس, "تولىق ەمەس وتباسىلار" ساناتى سوڭعى تٶرت جىلدا جىلدام قارقىنمەن ٶسٸپ كەلەدٸ.
"قازاقستاندا 2017 جىلى 54 626 اجىراسۋ تٸركەلگەن. 2018 جىلى ولاردىڭ سانى 54 797-گە دەيٸن ٶستٸ. 2019 جىلى - بەس مىڭعا ارتىق جەنە 59 796-عا جەتتٸ. كوروناۆيرۋس تارالعان كەزەڭدە, اجىراسۋعا ٶتٸنٸش بەرۋ كٷردەلەنە تٷسكەندە كٶرسەتكٸش 48 مىڭعا دەيٸن ازايدى. 2021 جىلى قايتا ٶسٸپ, 48 239 (اجىراسقان وتباسىلار) بولدى. بٸز جالعان اجىراسۋ سەبەپتەرٸنٸڭ بٸرٸ - ادامداردىڭ كەزەككە تۇرعىسى كەلۋٸندە دەپ سانايمىز (يپوتەكاعا پەتەر ساتىپ الۋ ٷشٸن - ەسك.). "تولىق ەمەس وتباسى" باعىتى بويىنشا اجىراسۋ تۋرالى كۋەلٸك جەتكٸلٸكتٸ", - دەيدٸ يبراگيموۆا.
ونىڭ ايتۋىنشا, 23 قىركٷيەكتە ٷكٸمەت قاۋلىسى اياسىندا تولىق ەمەس وتباسىلارعا "شاڭىراق – 5-10-20" باعدارلاماسى بويىنشا نەسيە بەرٸلەدٸ دەگەن ۇسىنىس قولداۋ تاپتى.
"بۇلار بالا تەربيەلەپ وتىرعان, بٸراق جۇمىس ٸستەيتٸن ادامدار. ولار "شاڭىراق - 5-10-20" باعدارلاماسى بويىنشا الادى. ايىرماشىلىق تەك ەڭبەكاقى مٶلشەرلەمەسٸ بويىنشا. بٸراق ەر وتباسى دەڭگەيٸندە 30 000 تەڭگە شاماسىندا", - دەپ قوستى لەززات يبراگيموۆا.
