Qazaqstandyqtar jarty jyldyń ishinde rieltorlyq qyzmetke 390 milliard teńge tólegen. Bul byltyrǵymen salystyrǵanda 8% kóp, dep habarlaidy QazAqparat tilshisi energyprom.kz saityna silteme jasap.
Bir aidyń ishinde 19,5 myń jyljymaityn múlikti satý-satyp alý mámilesi jasalǵan - bul 2016 jylǵy kórsetkishpen salystyrǵanda, 26%-ke artqan. I jartyjyldyqta jyljymaityn múlikke bailanysty qyzmetter kólemi 390,35 mlrd. teńgege jetken - bul ótken jyldyń osyndai kezeńimen salystyrǵanda 7,8%-ke kóp.
Rieltorlyq qyzmettiń 40%-y Almatyda (154,82 mlrd tg, bir jyldyń ishinde +10,5%), taǵy 20,8%-y - Astanada (81,11 mlrd tg, +10,4%) júrgizilgen.
Oblystar arasynda Qaraǵandyda rieltorlyq qyzmet joǵary suranysqa ie - ol 21 mlrd teńgeni quraidy. Alaida, bul kórsetkish byltyrǵyǵa qaraǵanda 21%-ke az.
