قازاقستاندىقتار جارتى جىلدىڭ ٸشٸندە ريەلتورلىق قىزمەتكە 390 ميلليارد تەڭگە تٶلەگەن. بۇل بىلتىرعىمەن سالىستىرعاندا 8% كٶپ, دەپ حابارلايدى قازاقپارات تٸلشٸسٸ energyprom.kz سايتىنا سٸلتەمە جاساپ.
بٸر ايدىڭ ٸشٸندە 19,5 مىڭ جىلجىمايتىن مٷلٸكتٸ ساتۋ-ساتىپ الۋ مەمٸلەسٸ جاسالعان - بۇل 2016 جىلعى كٶرسەتكٸشپەن سالىستىرعاندا, 26%-كە ارتقان. I جارتىجىلدىقتا جىلجىمايتىن مٷلٸككە بايلانىستى قىزمەتتەر كٶلەمٸ 390,35 ملرد. تەڭگەگە جەتكەن - بۇل ٶتكەن جىلدىڭ وسىنداي كەزەڭٸمەن سالىستىرعاندا 7,8%-كە كٶپ.
ريەلتورلىق قىزمەتتٸڭ 40%-ى الماتىدا (154,82 ملرد تگ, بٸر جىلدىڭ ٸشٸندە +10,5%), تاعى 20,8%-ى - استانادا (81,11 ملرد تگ, +10,4%) جٷرگٸزٸلگەن.
وبلىستار اراسىندا قاراعاندىدا ريەلتورلىق قىزمەت جوعارى سۇرانىسقا يە - ول 21 ملرد تەڭگەنٸ قۇرايدى. الايدا, بۇل كٶرسەتكٸش بىلتىرعىعا قاراعاندا 21%-كە از.
