75 myńnan astam qazaqstandyq zeinetaqy jinaǵynyń bir bóligin aldy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy «Ult aqparat».
«Biylǵy qańtarda aqparattyq júielerdi integratsiialaýǵa bailanysty daiyndyq jumysy aiaqtalǵan soń Biryńǵai jinaqtaýshy zeinetaqy qory azamattardyń zeinetaqy jinaqtarynyń bir bóligin alýǵa arnalǵan ótinimderin qabyldai bastady. 12 aqpandaǵy jaǵdai boiynsha 1 855,9 mlrd teńge somasyna 115 608 ótinim qabyldandy. Onyń ishinde 423,6 mlrd teńge somasyna 78 074 ótinim óńdeýge qabyldanyp, maquldandy», - dedi ol.
UB tóraǵasynyń aitýynsha, 12 aqpanda BJZQ 408,2 mlrd teńge somasyna 75 186 ótinim boiynsha birjolǵy zeinetaqy tólemin aýdardy.
«Azamattar alynǵan jinaqtardyń 87 paiyzyn turǵyn úi máselelerin sheshýge, onyń 45,5 paiyzyn - turǵyn úi satyp alýǵa (ipotekasyz); 28,3 paiyzyn - ipotekalyq qaryz boiynsha bereshekti óteýge; 10,5 paiyzyn ekinshi deńgeidegi bankterge bastapqy jarna úshin jáne Otbasy bankinde ipoteka alýǵa; 2,3 paiyzyn jeke turǵyn úi qurylysyn salýǵa, ipotekany qaita qarjylandyrýǵa, satyp alý quqyǵymen jaldaý sharty boiynsha bereshekti óteýge jáne ózge de maqsattarǵa jumsaýǵa niettenedi», - dedi Erbolat Dosaev.
