75 مىڭنان استام قازاقستاندىق زەينەتاقى جيناعىنىڭ بٸر بٶلٸگٸن الدى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى «ۇلت اقپارات».
«بيىلعى قاڭتاردا اقپاراتتىق جٷيەلەردٸ ينتەگراتسييالاۋعا بايلانىستى دايىندىق جۇمىسى اياقتالعان سوڭ بٸرىڭعاي جيناقتاۋشى زەينەتاقى قورى ازاماتتاردىڭ زەينەتاقى جيناقتارىنىڭ بٸر بٶلٸگٸن الۋعا ارنالعان ٶتٸنٸمدەرٸن قابىلداي باستادى. 12 اقپانداعى جاعداي بويىنشا 1 855,9 ملرد تەڭگە سوماسىنا 115 608 ٶتٸنٸم قابىلداندى. ونىڭ ٸشٸندە 423,6 ملرد تەڭگە سوماسىنا 78 074 ٶتٸنٸم ٶڭدەۋگە قابىلدانىپ, ماقۇلداندى», - دەدٸ ول.
ۇب تٶراعاسىنىڭ ايتۋىنشا, 12 اقپاندا بجزق 408,2 ملرد تەڭگە سوماسىنا 75 186 ٶتٸنٸم بويىنشا بٸرجولعى زەينەتاقى تٶلەمٸن اۋداردى.
«ازاماتتار الىنعان جيناقتاردىڭ 87 پايىزىن تۇرعىن ٷي مەسەلەلەرٸن شەشۋگە, ونىڭ 45,5 پايىزىن - تۇرعىن ٷي ساتىپ الۋعا (يپوتەكاسىز); 28,3 پايىزىن - يپوتەكالىق قارىز بويىنشا بەرەشەكتٸ ٶتەۋگە; 10,5 پايىزىن ەكٸنشٸ دەڭگەيدەگٸ بانكتەرگە باستاپقى جارنا ٷشٸن جەنە وتباسى بانكٸندە يپوتەكا الۋعا; 2,3 پايىزىن جەكە تۇرعىن ٷي قۇرىلىسىن سالۋعا, يپوتەكانى قايتا قارجىلاندىرۋعا, ساتىپ الۋ قۇقىعىمەن جالداۋ شارتى بويىنشا بەرەشەكتٸ ٶتەۋگە جەنە ٶزگە دە ماقساتتارعا جۇمساۋعا نيەتتەنەدٸ», - دەدٸ ەربولات دوساەۆ.
