- Úkimettiń búgingi otyrysynda QR Aqparat jáne kommýnikatsiialar ministri Dáýren Abaev jaqyn arada qazaqstandyqtardyń ýaqytsha tirkeýdi onlain rejimde iske asyra alatynyn jetkizdi, dep xabarlaidy "Ult aqparat" QazAqparat agenttigine silteme jasap.
Qazirgi kezde onlain rejimde tek turaqty tirkeý qyzmeti ǵana jumys isteidi. Endi, bir aidyń ishinde oǵan ýaqytsha tirkelý qyzmeti de qosylady. «Qazirgi kezde ishki logistika máseleleri rettelip jatyr. Negizgi maqsat - xalyqqa qyzmet kórsetý ortalyqtaryndaǵy kezekterdi azaitý. Ol úshin derekter bazalaryn ózara kiriktirý kerek. Sodan keiin ýaqytsha tirkeýdi onlain rejimde iske qosýǵa bolady. Oǵan ulttyq aqparattyq texnologiialar ortalyǵy men ishki ister ministrligi jaýapty. Bir aidan az ýaqytta atalǵan qyzmet engiziledi», - dedi D.Abaev.
Al «Azamattarǵa arnalǵan úkimettiń» basqarma tóraǵasy Daniiar Erenchinovtyń aitýynsha, búginde xalyqqa qyzmet kórsetý ortalyqtarynda ýaqytsha tirkeý boiynsha jumys isteitin mamandardyń sany kóbeidi. Sondai-aq jumys kestesi tańǵy saǵat 8:00-den keshki 20:00-ge deiin uzartyldy.
.jpeg)