QR Ulttyq banki Qazaqstan azamattary úshin ótken jyly qandai qarjy quraly joǵary kiris ákelgendigine qatysty taldaý júrgizdi, dep habarlaidy QazAqparat tilshisi.
«Ulttyq bank halyq arasynda eń tanymal Qazaqstan aýmaǵynda valiýtalardyń ártúrli túrlerindegi (teńgemen, AQSh dollarymen jáne eýromen, Resei rýblimen) banktik depozitter, altyn, sondai-aq qolma-qol valiýtalar (AQSh dollary, eýro, Resei rýbli jáne teńge) jáne balamaly túrde qazaqstandyq kompaniialardyń aktsiialary túrindegi investitsiialaýǵa arnalǵan qarjy quraldarynyń 2021 jylǵy nominaldy kiristiligine taldaý júrgizdi. Taldaý aiasynda salymshylardyń jyl sońyndaǵy baǵam/baǵam belgileý boiynsha teńgege konvertatsiialaýmen 2021 jyldyń basynda jyl basyndaǵy aǵymdaǵy baǵam/baǵam belgileý boiynsha Qazaqstan ishinde ártúrli quraldarǵa 10 000 teńge somasynda qarajat salýy týraly boljam jasaldy. Salystyrý úshin ai saiynǵy kapitaldandyrý arqyly tartý merzimi 12 ailyq depozitter qaraldy. Teńgelik depozitter boiynsha eń joǵary kiristilik 2021 jylǵy qańtarda 14 paiyzǵa deiin (merzimi 1 jyldyq jinaq depozitteri boiynsha) jetti, shetel valiýtasyndaǵy depozitter boiynsha 1 paiyz boldy», - dep atap ótedi Ulttyq bankten.
Taratylǵan aqparatta qaraǵanda, qazaqstandyq kompaniialardyń aktsiialaryna qarajat salý taýar-shikizat naryqtarynyń (munai jáne ýran) ósýi jáne reitingterdiń joǵarylaýymen qatar kompaniialar paidasynyń ósýi aiasynda 2021 jyly 37,4% deńgeiinde barynsha joǵary kiristilik ákeldi.
Teńgelik jinaq depozitiniń joǵary syiaqy mólsherlemeleri 14,00 paiyzdyq tartymdy kiris keltirdi. Eń joǵary kiristi jáne teńgeniń AQSh dollaryna qatysty aiyrbastaý baǵamynyń ózgerýin eskere otyryp, aqshany dollarlyq salymdarǵa ornalastyrý 3,63 paiyzdyq kiristilik berdi. Bul teńgelik jinaq depozitiniń kiristiliginen 3,9 ese az. Investorlardyń AQSh FRJ-nyń aqsha-kredit saiasatyn meilinshe erterek kúsheitýin kútýinen AQSh dollarynyń jahandyq nyǵaiýy jáne import pen tutyný belsendiliginiń qalpyna kelýine bailanysty valiýtaǵa ishki suranystyń ósýi aiasynda teńge AQSh dollaryna qatysty 2021 jyly 420,71-den 431,67-ge deiin álsiredi.
Rýbldik salymdar 3,15 paiyzdyq kiristilik ákeldi Bul teńgelik jinaq depozitiniń kiristiliginen 4,4 ese az. Reseiden taýarlar importynyń ósýi aiasynda teńge Resei rýbline qatysty 2021 jyly 5,65-ten 5,77-ge deiin álsiredi.
Olardan keiin nominaldy kiristilik deńgeii boiynsha qolma-qol AQSh dollaryndaǵy jáne Resei rýblindegi jinaqtar oryn alady.
Altynǵa salym (-)1,67 paiyzmólsherinde teris kiristilik ákeldi. Óitkeni vaktsinalardyń ázirlenýine jáne jappai vaktsinatsiialaýdyń iske asyrylýyna bailanysty jahandyq ósý perspektivalarynyń belgisizdik deńgeiiniń tómendeýi aiasynda baǵaly metaldyń quny 2021 jyly bir gramm úshin 25 396,01 teńgeden 24 970,91 teńgege deiin tómendedi. Altyn infliatsiiadan hedjirleý retinde investitsiialyq tartymdylyqty qaitara almady. Kerisinshe aktsiialar men jyljymaityn múlikke suranys ósti.
QR EDB-degi eń joǵary mólsherlemeni jáne baǵamdyq ózgeristi eskere otyryp, salymdardy eýrodaǵy depozitte saqtaý teńgeniń eýroǵa qatysty 516,13-ten 487,79-ǵa deiin nyǵaiýyna bailanysty (-) 4,55 paiyz, qolma-qol eýroda (-) 5,49 paiyz deńgeiinde teris kiristilik berdi.
