2020 jyldyń 11 aiynda árbir qazaqstandyq temekige ortasha eseppen 34,8 myń teńge jumsady, dep habarlaidy energyprom.kz portaly.
2020 jyldyń jeltoqsanynda filtrli sigaret baǵasy 1 jyl burynǵyǵa qaraǵanda 14,9 paiyzǵa qymbattady. Temeki baǵasynyń ósimi Atyraý (bir jylda 20,9 paiyz), Jambyl (20,3) jáne Almaty oblysynyń turǵyndaryna qatty sezildi. Elimizdiń qalalaryndaǵy bazarlar men dúkenderde bir qorap temeki baǵasy jeltoqsanda 508 teńgege jetti.
2020 jyldyń 11 aiynyń qorytyndysynda jergilikti kompaniialar ishki naryqtardy temeki jáne papirospen 75,2 paiyzǵa qamtamasyz etti. Al 2019 jyly bul kórsetkish nebári 30,9 paiyzdy quraǵan bolatyn.
Atalǵan kezeń ishinde óndiris kólemi 2,5 paiyzǵa tómendegenine qaramastan import birden 7 esege, 5 mlrd danaǵa deiin qysqardy. Eksport úlesi 2,7 mlrd sigaret pen papirosty qurady. El turǵyndary 11 aida 17,6 mlrd dana temeki shekti. Bul rette shylymqorlardyń úlesi bir jyl burynǵy kórsetkishke qaraǵanda birden 32,9 paiyzǵa azaiyp otyr.
2020 jyldyń qańtar-qarashasynda árbir eresek qazaqstandyq 1,5 myń dana sigaret pen papiros nemese kúnine 4,4 dana temeki shekken.
Ulttyq statistika biýrosynyń málimetterine sáikes, 2020 jyldyń qańtar-qarashasy aralyǵynda sigarettiń ortasha baǵasy qorabyna 477 teńge boldy. Bir qorapta 20 sigaret bolǵan kezde 11 aida árbir qazaqstandyq ortasha eseppen 73 qorap temeki satyp alyp, oǵan 34,8 myń teńge jumsaǵan.
