Memlekettik kirister komitetinde jeke kásipker bolyp tabylmaityn jeke tulǵanyń Qazaqstan Respýblikasyndaǵy jyljymaityn múlikti satýy kezinde qun ósimine salyq salý tártibine túsindirme berdi, dep habarlaidy "Ult aqparat".
Salyq kodeksiniń 331-babyna sáikes (qoldanysqa engizý týraly Zańnyń 33-babynyń redaktsiiasynda) kórsetilgen múlikti ótkizý kezinde qun ósimi týyndaǵan kezde jeke tulǵada múliktik tabys týyndaidy.
Búgingi kúni jii qoiylatyn suraqtardyń biri Qazaqstan Respýblikasynda jyljymaityn múlikti satý kezindegi múliktik kiris bolyp tabylady: qandai jaǵdailarda múliktik kiris paida bolady, qandai jaǵdailarda naryqtyq qun qoldanylady.
Múliktik tabys turǵyn úilerdi (páterler, jeke turǵyn úiler, jataqhanadaǵy bólmeler), saiajailardy, JTQ-ǵa arnalǵan jer ýchaskelerin, baý-baqsha ýchaskelerin, jeke qosalqy sharýashylyq obektilerin, garajdardy ótkizý kezinde osyndai obektilerge menshik quqyǵy tirkelgen kúnnen bastap bir jyldan az ǵana menshik quqyǵynda bolǵan kezde qun ósimi týyndaǵan jaǵdaida týyndaitynyn este ustaǵan jón.
Alaida, kommertsiialyq obektilerdi ne osyndai obektilerdi salýǵa arnalǵan jer ýchaskelerin ótkizý kezinde qun ósimi túrindegi múliktik kiris osyndai jyljymaityn múlikti ielený merzimine qaramastan týyndaidy.
Sonymen, qun ósiminen túsetin kiris múlikti ótkizý baǵasy (quny) men ony satyp alý baǵasy (quny) arasyndaǵy oń aiyrma bolyp tabylady.
Naryqtyq qun qandai jaǵdailarda qoldanylady?
Naryqtyq qun múlik mura, qaiyrymdylyq kómek túrinde alynǵan jaǵdailarda nemese jeke turǵyn úidi ótkizetin tulǵa salǵan jeke turǵyn úidi ótkizý kezinde qoldanylady.
Menshik quqyǵy týyndaǵan kúnge aiqyndalǵan naryqtyq qun osyndai múlik ótkizilgen salyq kezeńi úshin jeke tabys salyǵy boiynsha deklaratsiiany tabys etý úshin belgilengen merzimnen keshiktirilmei, iaǵni osyndai múlik ótkizilgen jyldan keiingi jyldyń 31 naýryzynan keshiktirilmei aiqyndalýǵa tiis ekenin este ustaǵan jón.
Qun ósimi qalai anyqtalady?
Naryqtyq qun bolmaǵan jaǵdaida ne naryqtyq qundy aiqyndaý merzimi saqtalmaǵan kezde, sondai-aq satyp alý quny bolmaǵan basqa da jaǵdailarda (jyljymaityn múlikti syiǵa alý kezinde, eger aiyrbas shartynda múliktiń quny kórsetilmese) qun ósimi anyqtaý kezinde mynalardy eserý qajet.
Mynadar qun ósiminen túsetin kiris bolyp tabylady:
páterdi, jeke turǵyn úidi, jataqhanadaǵy bólmeni, saiajailardy, jeke qosalqy sharýashylyq obektilerin, garajdardy ótkizý jaǵdailarynda – múlikti ótkizý baǵasy (quny) men baǵalaý quny arasyndaǵy oń aiyrma. Bul rette «Azamattarǵa arnalǵan úkimet» memlekettik korporatsiiasy ótkizilgen múlikke menshik quqyǵy týyndaǵan jyldyń 1 qańtaryna múlik salyǵyn esepteý úshin aiqyndaǵan qun baǵalaý quny bolyp tabylady;
jer ýchaskelerin, baý-baqsha ýchaskelerin ótkizý jaǵdailarynda ótkizý baǵasy (quny) men jer ýchaskesiniń kadastrlyq (baǵalaý) quny arasyndaǵy oń aiyrma;
kommertsiialyq jyljymaityn múlikti ótkizgen jaǵdaida-osyndai múlikti ótkizý baǵasy (quny).
Mundai kiristerden jeke tabys salyǵyn esepteý 10% mólsherlemesi boiynsha derbes júrgiziledi jáne osyndai kiris alynǵan jyldan keiingi jyldyń 10 sáýirinen keshiktirmei tólenýge tiis.
Múliktik kiris alynǵan jyldan keiingi jyldyń 31 naýryzynan keshiktirilmeitin merzimde jeke tabys salyǵy boiynsha deklaratsiiany (240.00-nysan) tabys etý qajettigi týraly eske salamyz.
Eger tabys 2020 jyly alynsa, onda deklaratsiia 2021 jyldyń 31 naýryzynan keshiktirilmei usynylý kerek, al jeke tabys salyǵy 2021 jyldyń 10 sáýirinen keshiktirilmei tólený kerek.
