Foto: elements.envato.com
Qazaqstan azamattaryna kredit alýǵa tyiym salýǵa múmkindik beretin zań jobasyn Qarjy naryǵyn retteý jáne damytý agenttigi daiyndap jatyr. Bul týraly vedomstvonyń Erjan Beisenbaevtyń depýtattyq saýalyna bergen jaýabynda aitylǵan, dep habarlaidy Sputnik Qazaqstan.
Halyqty alaiaqtyq áreketten qorǵaýdy kózdeitin ózgerister azamattardyń banktik qaryzdarmen mikrokreditterden erikti túrde bas tartý quqyǵyn bekitedi.
Bul servis "elektrondy úkimettiń" veb-portalynda jáne "eGov Mobile" mobildi qosymshasynda iske asyrylady.
Jeke tulǵanyń kredit tarihynda nesieden erikti túrde bas tartý týraly belgi bolsa, bankter men mikroqarjy uiymdaryna kredit berýge jeke tyiym salynady.
Al eger ózine tyiym salǵan adamǵa kredit berilse, ol kredit boiynsha mindettemeden bosatylady.
Vedomstvonyń málimetinshe, zańnamalyq túzetýler qarjy naryǵyna qatysýshylarmen kelisilip qoiǵan,qazir múddeli memlekettik organdarmen kelisý rásimi ótip jatyr.
