Foto: moerschy / Pixabay
Qazaqstandyqtar teńgedegi depozitteri boiynsha memleketten 10 paiyzdyq ótemaqy ala bastady, - dep habarlaidy Tengrinews.kz.
Keibir bankter habarlama jiberip jatyr.
"Ótemaqy tóleý rásiminiń aiaqtalyp kele jatqanyn qýana habarlaimyz. Qazaqstannyń depozitterge kepildik berý qory 15 naýryzda bankterden salymshylardyń aqtyq tizilimin alyp, olardy operatorǵa joldady. Jaqyn kúnderi bankter tólemderdi tolyq kólemde aiaqtaidy", - dedi QDKBQ tóraǵasynyń orynbasary Almas Qudaibergenov.
"Problemalyq kreditter qory" AQ pen "Qazaqstannyń ornyqtylyq qory" AQ aqshalardy bankterge aýdarǵan. Aýdarylǵan qarajattardyń jalpy somasy - 306,6 milliard teńge. Al memleket tarapynan 10-paiyzdyq ótemaqyny alatyn salymshylar sany - 2 million 615 myń 772 adam.
Qaǵidalarǵa sáikes, ekinshi deńgeidegi bankter eki jumys kúni ishinde tiesili ótemaqyǵa ótinish bergen depozitorlardyń shottaryna aýdarady.
Eske salaiyq, teńgelik depozitter boiynsha 10 paiyzdyq syilyqaqy Qarjy ministrligi men Qazaqstannyń Ulttyq bankiniń qarajattary esebinen tólenedi. Bankter syilyqaqy tóleýge ótinishterdi bes ai boiy – 2022 jylǵy qyrkúiekten 2023 jylǵy aqpanǵa deiin qabyldady. Ótinishterdi qabyldaý biyldyń 10 aqpanynda aiaqtaldy.
