Qazaqstandyqtar Medeý muz aidynynda belgili sportshy, mánerlep syrǵanaýshy Denis Tenniń eskertkishin ornatpaq. Qazir áleýmettik jelide osy maqsatta kraýndfanding alańy quryldy, dep habarlaidy QazAqparat tilshisi.
Mundai bastamany Almaty turǵyny Aziza Ótegenova Feisbýk jelisinde kóterdi.
«Biz Denis úshin ne istei alamyz? Meniń qolymnan kraýndfanding qoryn ashý ǵana keledi. Denis Almaty tarihynda qalýy kerek. Basqasha bolýy múmkin emes. Júregimizdi qaiǵy basty. Jas. Ádemi. Talantty! Ony eske alyp otyratyn, máńgilik jadymyzda qaldyratyn oryn kerek. Ol bul qurmetke laiyq! Biz ony saqtap qala almadyq! Halqymyz bárimiz jabylyp, Deniske Medeýde eskertkish ornataiyq!», - dedi Aziza Ýtegenova.
Onyń bul bastamasyn Medeý muz aidynynyń basshylyǵy da qoldady.
Búgin kraýnfanding alańy ashyldy. Qazaqstandyqtar ortaq shotqa erikti túrde qarjy jinai bastady.
Eske sala keteiik, qaiǵyly oqiǵa Qurmanǵazy men Baiseiitov kósheleriniń qiylysynda túski saǵat 15:00-der shamasynda bolǵan edi.
Sportshy kóliginiń ainasyn urlap bara jatqan eki adamnyń ústinen túsken. Eki arada bastalǵan janjaldyń nátijesinde álgi adamdar Denis Tendi pyshaqtap ketken.
Keshe túski 15:00-der shamasynda belgili sportshy Denis Ten aýrýhanaǵa pyshaq jaraqatymen túsken bolatyn.
Dárigerler klinikalyq ólimmen túsken sportshyny 2,5 saǵat boiy reanimatsiialyq sharalar jasap, aman alyp qala almady.
Denis Ten kóp qan joǵaltý sebepti kóz jumdy.
