قازاقستاندىقتار مەدەۋ مۇز ايدىنىندا بەلگٸلٸ سپورتشى, مەنەرلەپ سىرعاناۋشى دەنيس تەننٸڭ ەسكەرتكٸشٸن ورناتپاق. قازٸر ەلەۋمەتتٸك جەلٸدە وسى ماقساتتا كراۋندفاندينگ الاڭى قۇرىلدى, دەپ حابارلايدى قازاقپارات تٸلشٸسٸ.
مۇنداي باستامانى الماتى تۇرعىنى ازيزا ٶتەگەنوۆا فەيسبۋك جەلٸسٸندە كٶتەردٸ.
«بٸز دەنيس ٷشٸن نە ٸستەي الامىز? مەنٸڭ قولىمنان كراۋندفاندينگ قورىن اشۋ عانا كەلەدٸ. دەنيس الماتى تاريحىندا قالۋى كەرەك. باسقاشا بولۋى مٷمكٸن ەمەس. جٷرەگٸمٸزدٸ قايعى باستى. جاس. ەدەمٸ. تالانتتى! ونى ەسكە الىپ وتىراتىن, مەڭگٸلٸك جادىمىزدا قالدىراتىن ورىن كەرەك. ول بۇل قۇرمەتكە لايىق! بٸز ونى ساقتاپ قالا المادىق! حالقىمىز بەرٸمٸز جابىلىپ, دەنيسكە مەدەۋدە ەسكەرتكٸش ورناتايىق!», - دەدٸ ازيزا ۋتەگەنوۆا.
ونىڭ بۇل باستاماسىن مەدەۋ مۇز ايدىنىنىڭ باسشىلىعى دا قولدادى.
بٷگٸن كراۋنفاندينگ الاڭى اشىلدى. قازاقستاندىقتار ورتاق شوتقا ەرٸكتٸ تٷردە قارجى جيناي باستادى.
ەسكە سالا كەتەيٸك, قايعىلى وقيعا قۇرمانعازى مەن بايسەيٸتوۆ كٶشەلەرٸنٸڭ قيىلىسىندا تٷسكٸ ساعات 15:00-دەر شاماسىندا بولعان ەدٸ.
سپورتشى كٶلٸگٸنٸڭ ايناسىن ۇرلاپ بارا جاتقان ەكٸ ادامنىڭ ٷستٸنەن تٷسكەن. ەكٸ ارادا باستالعان جانجالدىڭ نەتيجەسٸندە ەلگٸ ادامدار دەنيس تەندٸ پىشاقتاپ كەتكەن.
كەشە تٷسكٸ 15:00-دەر شاماسىندا بەلگٸلٸ سپورتشى دەنيس تەن اۋرۋحاناعا پىشاق جاراقاتىمەن تٷسكەن بولاتىن.
دەرٸگەرلەر كلينيكالىق ٶلٸممەن تٷسكەن سپورتشىنى 2,5 ساعات بويى رەانيماتسييالىق شارالار جاساپ, امان الىپ قالا المادى.
دەنيس تەن كٶپ قان جوعالتۋ سەبەپتٸ كٶز جۇمدى.
