Qazaqstandyqtar mamyr aiynda 11 kún demalady, dep habarlaidy "Ult aqparat".
Qazaqstandyqtar 1 mamyrda Birlik kúnin, 7 mamyrda Otan qorǵaýshylar jáne 9 mamyrda Jeńis kúnin atap ótetini belgili. Jalpy, mamyr aiynda 20 jumys kúni bar. Merekeli kúnderge bailanysty el turǵyndary 1, 7, 9 jáne 10 mamyrda demalady.
2015 jylǵy 23 qarashadaǵy Qazaqstan Respýblikasy Eńbek kodeksiniń 85-babynyń 3-tarmaǵyna sáikes jáne jumys ýaqytyn utymdy paidalaný maqsatynda Qazaqstan Respýblikasynyń Úkimeti 2019 jylǵy 4 mamyr senbidegi demalys kúnin 2019 jylǵy 10 mamyr jumaǵa aýystyrý týraly Qaýly shyǵardy.
Qalǵan jumys kúnderi qalypty tártipte qala bermek.
Aita ketsek, QR «Qazaqstan Respýblikasyndaǵy mereke kúnderi týraly» Zańyna sáikes, Qazaqstan Respýblikasynda ulttyq jáne memlekettik mereke atap ótiletin kúnder eldiń eńbek zańnamasyna sáikes merekelik kúnder bolyp sanalady. Memlekettik jáne ulttyq merekelerdiń tizimine jańa jyl - 1-2 qańtar, Halyqaralyq áielder kúni - 8 naýryz, Naýryz meiramy - 21-23 naýryz, Qazaqstan halqynyń birligi kúni - 1 mamyr, Otan qorǵaýshylar kúni - 7 mamyr, Jeńis kúni - 9 mamyr, Astana kúni - 6 shilde, QR Konstitýtsiiasy kúni - 30 tamyz, Tuńǵysh Prezident kúni - 1 jeltoqsan, Qazaqstan Respýblikasynyń Táýelsizdigi kúni - 16 jeltoqsan enedi.
Eske sala ketsek, jalpy biyl qazaqstandyqtar 119 kún demalady. Qazaqstandyqtar eń kóp demalǵan kúnderi - naýryz aiyna (14 kún) keldi.
