Qazaqstandyqtar úshin merekeli ai sanalatyn mamyrda 11 kún demalady, dep habarlaidy "Ult aqparat".
Qazaqstandyqtar 1 mamyrda Birlik kúnin, 7 mamyrda Otan qorǵaýshylar jáne 9 mamyrda Jeńis kúnin atap ótetini belgili. Jalpy, mamyr aiynda 20 jumys kúni bar. Merekeli kúnderge bailanysty el turǵyndary 1 , 7, 9 jáne 10-shy mamyrda demalady. Qalǵan jumys kúnderi qalypty tártipte qala bermek.
Aita ketsek, QR «Qazaqstan Respýblikasyndaǵy mereke kúnderi týraly» Zańyna sáikes, Qazaqstan Respýblikasynda ulttyq jáne memlekettik mereke atap ótiletin kúnder eldiń eńbek zańnamasyna sáikes merekelik kúnder bolyp sanalady. Memlekettik jáne ulttyq merekelerdiń tizimine jańa jyl - 1-2 qańtar, Halyqaralyq áielder kúni - 8 naýryz, Naýryz meiramy - 21-23 naýryz, Qazaqstan halqynyń birligi kúni - 1 mamyr, Otan qorǵaýshylar kúni - 7 mamyr, Jeńis kúni - 9 mamyr, Astana kúni - 6 shilde, QR Konstitýtsiiasy kúni - 30 tamyz, Tuńǵysh Prezident kúni - 1 jeltoqsan, Qazaqstan Respýblikasynyń Táýelsizdigi kúni - 16 jeltoqsan enedi.
Eske sala ketsek, jalpy biyl qazaqstandyqtar 119 kún demalady. Qazaqstandyqtar eń kóp demalǵan kúnderi - naýryz aiyna (14 kún) keldi.
