Qazaqstandyqtar búginnen bastap júrgizýshi kýáliginsiz kólik júrgize alady, dep habarlaidy "Ult aqparat".
Eske sala keteiik, 21 qańtarda Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrý engizý týraly» Zańy eki oqylymda qaralyp, qabyldanǵan bolatyn.
Zańda Qazaqstan Respýblikasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normany qoldanystaǵy zańnamadan alyp tastaý eskerilgen.
Iaǵni, avtokólik iesin politsiia toqtatqan kezde, ol jeke kýáligin usynyp, sol jeke kýálikpen politsiia qyzmetkeri planshet arqyly elektrondyq bazada onyń qajetti qujattary boiynsha tekserý júrgize alady.
Osy jyly 1 aqpanda Memleket basshysy «Qazaqstan Respýblikasynyń keibir zańnamalyq aktilerine jol júrisi máseleleri boiynsha ózgerister men tolyqtyrý engizý týraly» Qazaqstan Respýblikasynyń Zańyna qol qoidy.
Al osydan bir apta buryn Ishki ister ministri Erlan Turǵymbaev 13 aqpannan bastap elimizdiń azamattaryna kólikti tiisti qujattardy alyp júrmei-aq, tek jeke kýálikpen júrgizýge bolatynyn jariia etken edi.
